Kylie ug Aljur nagkahanap?

CEBU, Philippines - Giingong dili madayon ang pagbalik ni Kylie Padilla dinhi sa nasud karong buwana gumikan kay buot pa niini patas-an ang iyang pagbakasyon didto sa Australia. Misamot  na hinuon ang mga pagduda nga nagkahanap na ang relasyon nila  ni Aljur Abrenica.

Meg  ganahan mag-singer

Target ni Meg Imperial nga mag-singer puhon ug masaligon siya nga makatabang og dako niini ang Viva Artist Agency nga maoy naghupot sa iyang career. Nasayran nga misidlak og samot ang pangalan ni Meg gumikan sa seryeng Moon of Desire nga kasamtangang makita karon sa ABS-CBN.

Pag-sure diha Carla!

Gikahibudngan pag-ayo  ang pangutana ni Carla Abellana ngadto sa iyang mga higala nga kung magbuwag sila sa iyang uyab, kinahanglan ba gyud nga makighigala niini o dili.  Una na nga gidungog nga nagkabugnaw ang relasyon nila ni Geoff Eigenmann.

Pawala sa stress

Todo pangita si Marian Rivera og lugar nga mahimo nila nga bakasyonan ni Dingdong Dantes karong Holy Week. Gusto ni Marian nga mo-relax human sa sagunson niya nga taping sa seryeng Carmela.

Gugmang gauros-uros

Nagpa-tattoo si Jake Vargas sa pangalan sa iyang uyab nga si Bea Binene. Gituyo kini ni Jake isip pagpakita sa tinud-anay niya nga gugma ngadto sa iyang girlfriend.

Mi-resign sa trabaho

Mi-resign sa iyang trabaho ang inahan sa Youtube sensation nga si Jam Sebastian human niya masayri nga dunay cancer ang iyang anak. Gusto sa inahan ni Jam nga maatiman niya og tarong ang iyang anak. Nailhan si Jam sa publiko gumikan sa tandem nila sa iyang uyab nga si Pauline Michelle Liggayu sa Youtube nga ginganlan og Jamich.

Busy sa practice

Simple lang ang selebrasyon sa 48th birthday ni Richard Gomez  kagahapon gumikan kay busy kaayo ang actor sa practice alang sa Phi¬lippine Volleyball Team. Suma pa ni Richard nga ihatag niya  ang tanan niya nga mahimo alang sa kalampusan sa ilang mga duwa.

Palabihon ang anak

Wala mosalmot  si  James Yap sa PBA All Star Challenge sa miaging semana gumikan kay gihatagan niya og taas nga oras ang iyang anak nga si Bimby. Malipayon si James gumikan kay nagka-close na sila og samot sa iyang anak.

Halad ni Gary

Gibutyag ni Gary  Valenciano nga gihalad niya ngadto sa typhoon victims ang umaabot niya nga concert sa  Araneta Coliseum sunod adlaw. Nagkanayon si Gary nga bisan sa kalamidad nga niigo sa nasud, pabilin gihapon ang paglaum sa mga tawo nga makabangon sa umaabot nga mga adlaw.