Maglingaw-lingaw sa summer eskinatampo

Hapit na gyud ang summer mga suking Kapamilya dinhi sa Banat In.  Pipila na lang ka adlaw ug panahon na sab aron mag- enjoy especially sa atong mga estudyante tungod kay mo-relax na sila sa higayon nga mahuman na ang ilang klase sa karon nga school year. Apan unsa may mga nindot buhaton matag summer aron maka enjoy gyud ‘ta og maayo?  Ania akong mga tips kung unsay mga activities nga pwede ninyong buhaton aron mahimong sulit inyong summer.

Road Trip

Kini ang nindot nga bonding alang sa mga mag- barkada. Kung naa moy sakyanan nga dako or van pwede kaayo ang road trip. Sayo-sayo lang mo mogikan aron taas ang inyong agi, mo-stop over mo sa nindot nga mga lugar.

Summer Class

Kung ganahan mo nga productive gihapon inyong summer, pwede mo magpa -enroll sa mga nagkalain-laing mga summer programs. Naay swimming, acting, singing,dancing, speech ug daghan pa. Atleast after summer aduna kay na kat-onan nga mahimong kabahin na sa listahan sa imong mga talento.

Family/Batchmate Reunion

Matag summer, bakante kasagaran ang mga miyembro sa inyong kabanay maong nindot sad nga inyong i-atol sa summer ang inyong reunion kauban ang pamilya. Nindot sad mag- reunion with high school o college  batchmates  .

Summer Business

Kung dili ka ganahan nga mogasto og maayo, adunay butang nga makalingaw ug maka-kuwarta pa gyud ka. Kini mao ang pag-umol og ginagmay nga negosyo ug patok panahon sa summer mao ang halo-halo , shake,mais con yelo ug uban pa. 

Out Of Country /Town Trip

Kung duna mo’y igong  budget, mahimo mo nga  molaag out of country, adunay mga lugar nga nindot kaayo laagan kauban ang pamilya ug mga close friends. Pagkuha lang mo daan og mga requirements nga maoy ipresenta kung motabok mo og laing nasud. Kung igo-igo lang ang budget, diri na lang sa Pilipinas kay matod pa “It’s more fun in the Philippines.” Suwayi ang Baguio kay mao nay “Summer Capital of the Philippines,” pwede sab sa Tagaytay. Kung ganahan mo mag beach, daghan kaayo og nindot nga mga resort dinhi sa Sugbo.  Naa pu’y mga resort sa Bohol nga nindot sab kaayo.

Mao kana akong tips kaninyo aron ma- enjoy ninyo ang summer. Bisan unsa pa man inyong pilion ana, okay ra basta ang importante kay lingaw sobra jud mo. Ayaw diay kalimti ang pagkuha og mga hulagway para naa moy ma-post sa Facebook ug Instagram, di ba? Hehehehe. 

(Madungog si Kimyat  sa MOR 97.1 pinaagi sa programang  Yangungu sa Kinabuhi / 1-3pm ug  Makapakugang nga Balita /6-7pm gikan sa Lunes hangtud sa Sabado) (BANAT NEWS)