Annabelle Rama walang pagod sa kapapanood ng E!

MANILA, Philippines - Palaging nakatutok si Annabelle Rama sa E! international channel dahil sa pag-aabang sa promo plugs ng kanilang reality TV show na It Takes Gutz to be a Gutierrez.

Nakakapanood din si Bisaya ng Keeping It Up with The Kardashians dahil ipinalalabas ‘yon sa E!

Kaya napansin ni Bisaya na madalas na polo ang suot ng nanay ni Kim Kardashian, si Kris Jenner.

“Maganda pala na naka-polo,” sey ni Bisaya, kaya pinayuhan ko siya na mamili ng maraming polo.

Noong isang gabi, sa dinner sa bahay niya sa Dasmariñas Village, Makati City, naka-polo si Bisaya, kaya biniro ko siya na Kris Jenner lang ang peg niya noong gabing ‘yon.

Aktor na namomroblema sa pera para sa sakit ng ama, panay naman ang shopping ’pag kasama ang gf

 Sa mga kuwento ng aktor na ito na produkto ng isang artista search show sa telebisyon, parang masyado siyang nangangailangan ng pera dahil may sakit ang isang taong malapit sa kanya.

Ang malaking gastos sa pagpapagamot ng taong ‘yon ang prinuproblema ni aktor.

Pati entertainment press ay naaawa sa kuwento niya, pero kabaligtaran naman ang kuwento sa akin ng isang kakilala niya.

Kamakailan lang daw kasi ay namili ng Rayban sunglasses si aktor.

Hindi lang isa, kundi iba’t ibang modelo ng Rayban sunglasses ang binili niya.

Sabi sa akin ng taong kakilala ni aktor, mayaman daw kasi ang girlfriend nito. Pero pagdating sa taong malapit sa kanya na may sakit, parang walang pera ang drama niya.

Gwendoline Ruais panay pa rin ang buntot kay David

Birthday ng Semerad twins na sina Anthony at David sa Celebrity Dance Battle ng TV5 sa Sabado.

Maraming sorpresa ang show sa kambal.

May mga makakasama sila sa opening dance number nila na hindi nila alam kung sinu-sino.

Samantala, this weekend ang alis ng San Beda Red Lions kung saan ay miyembro sina Anthony at David.

Ilang linggong magti-training somewhere in Europe ang nasabing varsity team at kasama roon ang twins. Paano kaya ang partisipasyon nila sa show na iniho-host ni Cong. Lucy Torres-Gomez?

Isa pang tanong, bubuntot din kaya sa Europe ang fiance ni David, si Gwendoline Ruais, Miss World Philippines 2011?

Palaging napapansin ng mga tao sina David at Gwen dahil panay ang pagpi-PDA (public display of affection) nila kapag magkasama.  (JUN LALIN)