Cash ding binili ang lilipatang bahay Sunshine magpa-file na ng annulment nila ni Cesar!

Sa katapusan ng buwang ito ay lilipat na ng bahay si Sunshine Cruz. Napag-alaman naming nakabili na siya ng bahay at lupa sa south of Metro Manila malapit sa tirahan ng kanyang ina at mga kapatid.

Ang chika sa amin ng aming source ay cash nabili ni Sunshine ang property. Humiram umano ito ng pampuno sa malaking halagang kailangan niya sa kanyang ina para mabayaran ng buo ang bahay.

Ililipat na rin niya sa isang exclusive school sa Alabang ang mga anak niya sa susunod na school year.

Wala namang comment mula sa kampo ng estranged husband ni Sunshine na si Cesar Montano tungkol dito.

Sinabi rin ng aming source na malapit na ring mag-file ng annulment case laban kay Cesar si Sunshine. Mangyayari daw ito sa lalong madaling panahon.

Kaya inayawan na ni Cesar Role ni Bonifacio inialok din kay Robin

Nag-beg off na pala si Cesar Montano sa bagong proyektong Andres Bonifacio na unang iniaalok sa kanya ng isang baguhang producer kamakailan.

Si Robin Padilla na raw ang gaganap bilang Gat Andres sa naturang pelikula.

Nalaman namin sa source na inialok din pala ng producer ang role ni Bonifacio kay Binoe kahit una nang naialok ito kay Buboy.

Hinihingian namin ng pahayag ang kampo ng dalawang aktor pero sa ngayon ay wala pa silang kasagutan.

Nagsisiraan kahit magkakasama sa trabaho

GMA insider source ng mga tsismis ng kanilang network

Usap-usapan sa umpukan ng mga artista ng GMA isang araw ang kanilang pag-aalinlangang magtiwala sa mga katrabaho nila sa network, partikular na ang ilan sa mga pinagtitiwalaan dito ukol sa mga maseselang bagay tungkol sa personal at professional nilang concerns.

May nagsabi umano sa kanila na karamihan ng mga bali-balitang lumalabas tungkol sa ilang GMA artists ay galing din mismo sa mga inside source within the network.

May halong kaba raw ang ilan sa kanila lalo na at ilang beses na na may nag-leak na istorya at sa parehong blogger nila unang nabasa ito.

Alam daw nila na malapit sa isang departamento ng network ang controversial na blogger na ito.