Miss Cebu ang Best in National Costume

CEBU, Philippines - Si 2009 Miss Cebu Kris Tiffany Janson maoy labing unang nakalangkat og special award sa nagpadayong pre-pageant activities sa Binibining Pilipinas 2014. Kini mao ang Best in National Costume nga mugna sa sikat kaayo nga designer ug garbo sa Sugbo nga si Cary Santiago.  Karong Domingo na didto sa  Araneta Coliseum, diin 40 ka mga maanyag nga dalaga ang magtigi alang sa upat ka mga korona nga mao ang Universe, International, Supranational ug Tourism International. Si Janson usa sa giisip nga labing lig-on nga kandidata ug gipaabot nga makaangkon og usa ka korona.