Hebert mystery guy ni Kris?

CEBU, Philippines - Miulbo ang mga hungihong nga si  Quezon City Mayor Herbert Bautista matud pa ang mystery guy ni Kris Aquino. Giingong nahigugma pag-ayo ang mayor ngadto sa TV host.

Susama og dagway

Kumbinsido si JC de Vera nga susama gyud nawong sa iyang ex-girlfriend nga si Danita Paner  ang leading lady sa seryeng Moon of Desire nga si Meg Imperial. Suma pa ni JC nga komportable na siya nga ikatrabaho si Meg gumikan kay nagkauban na sila sa usa ka proyekto niadto sa GMA-7.

Sorpresa

Gipaneguro  ni Daniel Padilla nga masurpresa gyud niya si Kathryn Bernardo atol sa 18th birthday niini busa dili niya isaba-saba sa kadaghanan ang iyang plano. Una na nga gipadayag ni Daniel nga espesyal si Kathryn sa iyang kasing-kasing.

Andrea dili pa andam magpa-sexy

Gipadayag ni Andrea Torres nga dili pa gyud siya andam nga mo-pose sa  FHM. Sa pagka-karon, kontento na ang aktres sa iyang wholesome nga image.

Moral support

Suportado ni Arnold Aninion sa  Volcanoes ang rape case nga gipasaka  ni Roxanne Cabañero batok kang Vhong Navarro. Si Arnold maoy kasamtangang  boyfriend ni Roxanne. Nailhan si Arnold sa dihang nisalmot kini sa  Survivor Philippines Celebrity Doubles Showdown sa GMA 7 niadtong November 2011.

Nagbaha ang negosyo

Gipadayag ni Marvin Augustin nga panagsa ra siya makadawat og TV projects gumikan kay siya mismo ang nangunay og atiman sa iyang mga negosyo. Nasayran nga moabot na ngadto sa 48 restaurants nationwide ang gidumala karon sa aktor.

Winner sa Wheel of Fortune

Giistoryhan pag-ayo karon didto sa  Amerika ang Filipino contestant sa Wheel of Fortune nga si Emil de Leon kinsa nakadaug og US$63,099 sa maong game show. Nakuha niya ang maong kantidad  gumikan kay natubag niya ang pangutana sa  bonus round.