Carla ngayon lang nadiskubre ang away nina Geoff at Aljur

PIK : Isi-celebrate nina Jaya, Aljur Abre­nica at Rocco Nacino ang kanilang kaarawan sa Sunday All Stars ngayong umaga.

May kanya-kanya silang production number lalo na’t may pinaghandaang sexy production number si Aljur. May sorpresa kaya sa kanya si Kylie Padilla?

PAK : Ngayon pa lang ay nalulungkot na ang mag-asawang Sen. Bong Revilla at Cong. Lani Mercado sa nalalapit na paglipat ng anak nilang si Inna sa Davao.

Doon na kasi magtatrabaho ang kanyang asawang si Vince del Rosario kaya kasama sila ng dalawa nilang anak.

Sobrang attached pa naman sina Sen. Bong at Lani sa kanilang mga apo, kaya nalulungkot na sila ngayon palang sa kanilang pansamantalang paghihiwalay.

Dadalaw-dalawin na lang daw nila sila Inna sa Davao.

BOOM : Sinadya kaya ni Carla Abellana na hindi isinali sa kanyang acceptance speech si Geoff Eigenmann nang tanggapin ang trophy para sa Best Actress in Drama Series sa nakaraang Golden Screen Awards for TV?

 Palusot ni Carla, tatawagan naman daw niya si Geoff pagkatapos ng awar­ding para sabihing nanalo siya.

Umaasa naman daw siyang magkakaayos sila.

Tungkol naman sa isyu nina Geoff at Aljur Abrenica, doon daw niya napagtantong meron daw talagang isyu, pero mabuti at nagkausap naman daw ang dalawang aktor para ayusin ang ano mang problema.

Ngayong araw ay isi-celebrate ni Geoff ang kanyang kaarawan at sasama naman daw siya sa dinner para sa kasintahan.