Robin nag-aaral sa Spain!

Buhay ni Osang mapapanood na ng buo

SCENE: Wedding sponsor si Robin Padilla sa kasal nina Karylle at Yael Yuzon pero hindi tiyak ang kanyang pagdalo dahil nag-aaral siya sa Spain.

SEEN: Nag-mature si Kim Chiu sa wig na ipinagamit sa kanya sa Ikaw Lamang ng ABS-CBN.

Mas maayos ang wig na suot ni Angel A­quino.

SCENE: Magkatabi sa presscon ng Mirabella ng ABS-CBN ang girlfriend ng isang tomboy at ex-boyfriend ng gay, sina Liza Diño at DJ Durano.

SEEN: Bukas, March 21 ang kasal nina Ka­rylle at Yael Yuzon.

Ikakasal si Karylle sa bisperas ng kanyang 33rd birthday, March 22.

SCENE: Si Viveika Ra­vanes ang gumanap na Rose Fostanes “Osang” sa life story nito na isinadula ng Maalaala Mo Kaya at mapapanood sa Sabado. Nakilala si Viveika bilang Sabel sa Be Careful with my Heart at si Rose ang Filipina caregiver na kauna-unahang winner ng The X Factor Israel.

SEEN: Lumipad kahapon si Nora Aunor sa Batanes para sa shooting ng Dementia. Movie made for TV na mapapanood sa TV5 at hindi sa mga sinehan ang first directorial job ni former TV5 executive Perci Intalan.

SCENE: Ginanap kahapon sa Landbank Plaza sa Malate, Manila ang Pinoy Music Summit, Basta Pinoy, Push Mo ’Yan, ang summit ng Organisasyon ng mga Pilipinong Mang-Aawit (OPM).

Pinag-usapan sa OPM summit ang artist equity, music piracy, at ang pagsulpot ng social media.

Pinangunahan ito ni Presidente Noynoy Aquino at OPM President Ogie Alcasid.