Marian gamit na gamit na ng ex ni Dingdong na nagbabalik-showbiz; Paglabas sa kulungan ng dating katulong mas nabalita kesa sa pagdalaw ni Claudine sa puntod ni

SEEN: Ang mga speculation na lalong nagalit si Claudine Barretto sa kapatid na si Gretchen dahil ito ang tumulong para makalaya si Dessa Patilan, ang ex-personal assistant ni  Claudine na ipinakulong nito dahil sa akusasyon na pagnanakaw.

SCENE:  Mas marami ang news sa paglaya ni Dessa Patilan kesa pagdalaw ni Claudine Barretto sa puntod ni Rico Yan noong March 14.

SEEN: Dapat nang huminto si Antoinette Taus sa pagpapainterbyu tungkol kay Marian Rivera dahil matagal nang tapos ang relasyon nila ni Dingdong Dantes.

Libreng-libre si Antoinette na sumagot ng “no comment” para hindi siya mapagbintangan na ginagamit niya si Marian sa publicity.

SCENE: Babalik sa Pilipinas  ang Korean superstar na si Lee Min Ho para sa kanyang Bench Fun Meet sa March 21 sa Smart Araneta Coliseum.

SEEN: Ang dasal ng supporters ni Helen Gamboa na gumaling  agad ang veteran actress  para makasama pa rin siya sa cast ng  bagong tele­serye ng GMA 7, ang Dalawang Mrs. Real.

SCENE: Epic fail ang press release ni Louise delos Reyes na may sirena na mamamatay sa episode ng  Kambal Sirena noong Lunes dahil nameless sirena ang namatay.

SEEN: Scene-stealer si Kiray Celis sa isang fa­shion show noong Sabado sa SM SkyDome.

Ramdam na ramdam ni Kiray ang pagiging supermodel.

SCENE: Ang pasasa­lamat ni Anne Curtis sa lahat ng mga nanood ng pilot episode ng Dyesebel noong Lunes.

Nag-trending worldwide ang simula ng Dyesebel.