Indie film ni Yeng nakadaug sa Japan

CEBU, Philippines -  Nagmaya og maayo  si  Yeng Constantino human  nakadawat og pasidungog ang labing una niya nga Indie Film  sa bag-ohay lang nga  Osaka Asian Film Festival didto sa Japan.

 Ang indie film nga "Shift " maoy napili nga Best Picture sa maong film festival kung diin gipildi niini ang 10  ka laing entries gikan sa nagkalain-laing nasud.

Ubos sa direksyon ni  Siege Ledesma, ang maong pelikula nga entry sa 2013 Cinema One Originals nagpakita sa "unconventional relationship" tali sa free-spirited call center agent nga si Estela (played by Yeng) ug sa bayot niya nga mentor nga si  Trevor (played by Felix Roco).

Ang Best Picture Award adunay cash prize nga  500,000 yen. Samtang nakaangkon  usab  og  special mention ang laing  Pinoy indie film nga "Anita's Last Cha-Cha."

 Usa sa nahimong miyembro sa  jury sa Osaka Asian Film Festival mao ang aktres nga si Eugene Domingo.

 "While all of us on the jury agree that this year the Korean films and the films from The Philippines are the ones that impressed us the most, the hard work all of you filmmakers did made our jobs watching so many movies in such short amount of time a whole lot easier. This year, we merit a film for its simplicity, honesty and its integrity for pushing boundaries," nagkanayon si Eugene.

Maui ug Katya nailad sa pekeng producer

Gikatahong nabiktima matud pa sa  nagpailang  show promoter/producer sa Dubai ang kanhi Viva Hot Babes members nga sila si  Maui Taylor ug Katya Santos.

Sa miaging adlaw, ni-post  si  Maui sa iyang  Facebook account sa iyang kaligutgot sa  producer sa  show nila ni Katya nga ginganlan og  Engr. Mardilito Daya Go nga maoy tag-iya sa Golden Lion Exhibition & Organizing.

Gikasuko og maayo ni  Maui sa wala pagbayad ni  Go sa upat  nila ka  shows didto sa  Dubai .

 "Ibang tao nga naman ang hilig mamikon at makipag asaran pero pag siya ang pinikon daig pang siraulo kung mag react!nako te kilala na kita tigil tigilan ha!"," tipik sa mensahe ni Maui.

Wala matud pa nga giatiman ni Go  ang ilang  return tickets padulong uli sa Pilpinas.

Matud pa niya nga kanunay moingon ang maong producer nga  naka-book na ang ilang  flight apan nasuta na lang nila nga wala pa kini makapalit og ticket sa eroplano.

Niadtong  March 15 pa unta ang gikatakda nila nga pag-uli, apan  March 18 lang sila nakalarga.Matud pa niya nga nagtago-tago na si  Go human sa mga show nila sa Dubai.

Dugang pa niya nga iyang nadiskubrehan nga wala'y  legal papers si Go didto sa Dubai.

"He didn't pay us ng four shows. Tapos pinaantay niya kami ng two days for our flight. Antayin daw namin na maka-produce siya ng money.E, di naman kami taga-Dubai, we also have obligations here in Manila.Di na siya nagpakita sa amin. Pinapulis namin asawa niya.Only to find out wala silang visa at papeles sa Dubai. Expired pati passport niya," tsika pa ni Maui ngadto sa PEP.

Matud pa ni Maui nga nakadungog pud siya nga dunay record si Go sa pagpangilad  ug usa na niini nga wala pagbayad ngadto kang Gerald Santos sa dihang nag-show kini sa Dubai sa miaging tuig.

Karmbal Serena nalupig sa Dyesebel

Nahimong trending sa Twitter niadtong Lunes sa gabii ang  pilot episode sa  Dyesebel  nga gibidahan ni Anne Curtis. Ang  hashtag nga  #DyesebelAngSimula maoy gipistahan pag-ayo sa nitizens niadtong higayona.

Suma pa sa Kantar Media national ratings,   nakaangkon ang  Dyesebel 32.8 percent % , samtang ang kaatbang niini nga Kambal Sirena nga gibidahan ni Louise delos Reyes sa GMA-7 , nakakuha lang  og 17.9 %.

Nalakip usab sa Dyesebel sila si Sam Milby, Gerald Anderson, Gabby Concepcion , Andi Eigenmann, Dawn Zulueta, Bangs Garcia, Eula Valdez , AiAi delas Alas, ug  Zsa Zsa Padilla .

Carla nonsensense sa interview

Gihulagway ni Carla Abellana nga "non sense" ang giingong interview ni Aljur Abrenica sa programang StarTalk diin matud pa naglagot kini ngadto kang Geoff Eigenmann human matud pa nagpa-cute kini ngadto sa iyang uyab nga si Kylie Padilla.

Kahinumduman nga sa maong interview, adunay giigo si Aljur nga matud pa dunay tawo nga wala'y respeto ug daghan ang nagduda nga si Geoff ang gipasabot niini.

"Naiinis ako sa sitwasyon dahil medyo nawalan ng respeto, e. Sa sitwasyon. Pero no matter what the circumstances are, I wanna say sorry, sa lahat ng mga… kung may nasaktan man sa nangyari. I wanna say sorry.And kung anuman yung mga nangyari, e, hindi naman ako... kumbaga, hindi naman ako nagkasala sa nangyari," matud pa ni Aljur.