Be different

Sakto gyud. Dugay na nakong pangutana, unsay kita o pila kahay halin anang maninda sa "night market" sa Colon matag karon ug unya, o kanang mudagsa diha sa atubangan sa Abellana National High School matag Sinulog Festival? Kay ngano man? Pareha ra mana sila og baligya, mao ra nang nawnga. Pareha ra pud tingali na sila og supplier tanan kay mao-mao ra man og presyo. Mao ra pud nang istoryaha anang mga sari-sari store. Usa ka linya sa gagmay’ng tindahan ug managsama ra og baligya. Unsa pa may halin ana nila? Siguro adunay makabentaha, depende sa batasan sa tindera o sa abilidad sa tag-iya pag-abi-abi sa customers.

Ingon ang salida "Imitation is the greatest form of flattery." No Sir, I don't think so. Ang pagsunod-sunod nagpasabot nga wala kay originality. Simbolo kana sa kakuwang nimo og creativity. Usahay pa, magsilbi kanang basehanan nga wala kay baruganan ug kaisog pagsagubang sa mga unos sa kinabuhi, sanglit igo ka ra man nga nagsunod-sunod sa panon.

Maong ako I don't go with the trend. A month ago nag-post ko og hulagway sa Slurpee ug akong gipadayag nga labing unang higayon pa kadto nako nga makainom niadtong ilimnona. Dihay wala nituo. I simply replied, dili man gud ko ang type of person nga magsunod-sunod kun unsay uso. Kay kun magsunod-sunod ka, you're just one of those, apan kun magpalahi ka you are the only one.

Bitaw, dear RYANMARKables, ayaw kahadlok unsay isulti sa uban. Buhata ang gusto nimong buhaton, basta siguraduha lamang nga dili ka na illegal ug immoral. Be different. We are God's creation but we are different from each other. We have special talents, celebrate your uniqueness! Go out, explore then set and be the trend!

Reaksyon? Text me or reach me @ 0939-131-6599.Apili palihug og ngalan nimo ug address. Paminawa pud ko sa dyRC-Radyo Calungsod 648kHz., 10am to 12noon, Lunes hangtud Biyernes.