KL nahugyaw kang Bryan!
BisChika nga Domingo mga SweetKaButanding! Marso na ug ang uban excited na para sa Summer. Naa ko'y mga kaila doble ang pag exercise para inig rampa sa dagat makaingon ang mga makakita nila og, "wow lawas!" Pero kung ako'y morampa moingon man pud sila og, "wow lawas murag aliwas." Hahahaha!
Speaking of rampa, usa na pud ka university ang atong gi- School Attack ug diin nahimo akong usa sa ilang mga hurado para sa highlight sa ilang ika-14th Founder's Week nga mao ang Search for Ms. BC 2014 ( Benedicto College). Mas naHugyaw ko kay after 48 years nagkita mi og balik sa akong amigo/ kanhi kauban sa trabaho nga si Kenneth Alister Roxas nga multi- talented lang gihapon kay siya na ang host, choreographer, organizer ( asa na lang ta ibutang ani ) ug siya usab ang over all-chairman sa ilang founders week celebration. Dunay 12 ka mga kandidata nga nagrepresentar sa matag department. Naukay ang tanan kay ang nakalangkat sa korona mao ang 13-year old freshman nga si Danielle MacKaye dela Cruz gikan sa Basic Education Department. NaHugyaw ko kay pagkahuman sa crowning niduol ang mama ni Danielle ug ni lenggua nga ang iyang papa nahimo nakong classmate wayback in college sa USJ-R, hala noh? No wonder kay shofo (gwapo ) ang iyang papa. Ang Second Runner-up kay si Yvette Deyniel Ewican ug ang First Runner- up kay si Anna Margarette Bascon nga puros gikan sa HM Department. Congratulations sa tanang winners ug sa mga working commitee.
Sa laing bahin, malipayon kaayo ko nga sa bag-o lang nahuman nga Kapuso Mall Show sa Ayala Cebu The Gallery kauban ang mga Kapuso stars nga silang Kris Lawrence ug Jaya ang atong Sinulog Idol 2014 nga si Bryan Claudio Deiparine nga maoy nag-front act nibilib Si KL (Kris Lawrence ) kay unang kanta pa lang ni Bryan giduol nako sa among talent coordinator kay gipapangutana ni KL kinsa ang nagkanta on stage, o di ba? Ma proud ka isip bisdak. (Yey apil sab ko og ka-proud as Sinulog Idol resident judge/mentor. Pakpak-Ryan Mark). Paglugwa na ni KL on stage very vocal kaayo kini nga nipadayag sa iyang pagsaludo kang Bryan. Mao nga nakaingon ko nga si Bryan dunay future sa pagkanta. Buotan nga anak, dili pasaway on time kung naa mi mga raket sa una. Kudos para kay Bryan!
- Latest
