Likaye ang pagbulad sa init
CEBU, Philippines - Hello mga suki sa Banat News In! Na-feel na ba ninyo ang kainit sa panahon? Makaingon kita nga summer na gyud kaayo, ilabi na nga nakatungtong na ta karon sa buwan sa Marso.
Ang uban kaninyo naghuna-huna na kung asa manuroy, apan pahimangno lang, dili magpalabi og bulad sa init gumikan kay nakahatag kini og peligro sa imong kalawasan.
Base sa atong pagduki-duki, ang sobra nga kainit maoy usa sa mga hinungdan nga maluya ang lawas ug posibleng mahiagom ang lawas og heat stroke, heat exhaustion, heat cramps ug sunburn.
Karong adlawa sa Banat In, akong paambitan kaninyo ang tips aron malikayan ang mga sakit nga gihatag sa sobrang kainit sa panahon.
Ayaw pabuwad sa init
Kung mahimo, moistar ka og hayahay o bugnaw nga lugar.
Inom og daghang tubig bisan wala ka uhawa. Ayaw og inom og soft drinks ug ilimnong makahubog.
Sul-uba ang lightweight o light color nga mga attire, aron hayahay ang imong pamati.
Sa mga importante nimo nga lakaw, pagdala na lang gyud og pandong sama sa payong ug kalo.
Sa inyong pagpanuroy, puwede ra man ninyo kini nga iatol sa oras nga landong na. Puwede kaayo mo mag-over night sa mga resort.
Kung dili importante ang inyong lakaw, pagpuyo na lang sa balay.
(Madungog si Papa Don Romantiko sa Barangay RT 99.5 gikan sa Lunes hangtud sa Biyernes sa programang Three Play, 3-6pm ug sa adlaw nga Domingo sa pinaagi sa programang Bida sa Barangay, 9-11am)
- Latest
