Adnama Singing Idol Philip’s The Biggest break

Nagsugod siya pagkanta kaniadtong kwatro anyos pa lamang siya. Lumad nga taga Calbayog City, Western Samar, matud pa ni Philipp nga nahibulong na lamang ang iyang inahan gumikan kay mudungan na siya pagkanta sa karaoke kaniadto. " Kahibaw ko mukanta pero dili siya  grabe'g duot nako until college nga daghan na ko'g nadag-an nga titulo sa University of San Carlos.Didto ko naka-realize nga naa ko'y chance ani'ng industry," pasiuna ni Philipp.

Lakip sa mga titulo nga nalangkat ni Philipp kaniadtong nagtungha pa siya sa USC sa kurso nga Bachelor of Science in Management Accounting mao ang 2010 JPIA's Got Talent Season 2 Grand Champion ug 1st Carolinian Got Talent Grand Champion niadtong 2011. Kasamtangan karon nga nagtrabaho si Philipp isip technical support representative sa usa sa mga call centers sa Sugbo.

Lakip sa iyang mga idolo sila si Brian Mcknight, Luther Vandross, Michael Buble ug Nat King Cole. Grandfinalist siya sa Sinulog Idol 2011. Tulo ka tuig human siya nanimpalad sa Sinulog Idol, nalangkat ni Philipp ang para kaniya labing dako niya nga "break" sa natad sa pagkanta, human siya nidaog sa Adnama Singing Idol niadtong Sabado sa gabii. Tulo ka mga Sinulog Idols ug unom ka mga lig-on nga mga mag-aawit ang iyang gikatigi niadtong gabhiona.

Banat News Hugyaw (BNH): Unsa ni nga contest? Pila kamo kabuok nagtigi?

Philipp: Adnama Singing Idol. Naay weekly eliminations that brought the 21 semi-finalists. And from the 21 semi-finalists, gipili ang 10 grand finalists. Mostly kay Sinulog Idols plus other amateur singers.

BNH: Unsay imong gibati niadtong nagsingabot pa ang grandfinals?

 Philipp:Kulba kaayo kay best of the bests na baya tong naapil sa grand finals. Ako na lang gihunahuna nga tarungon ako performance para makaingon ang mga tawo nga deserving ko.

BNH: Unsay imong gibati sab dihang gideklara ka isip grandwinner?

Philipp: Pag- announce sa winner, wa gyud ko katuo. Not because wa koy salig sa ako kaugalingon, but because sa kadaghan maayo, lisod ipredict kinsay makadaog. Literally, wa jud ko kalihok sa ako gibarugan. Ang host ug contestants pa ang nag pa-forward nako tungod kay mura kog nahimong ice. Hahaha.

BNH: Unsay imong gikanta atol sa grandfinals ug nganong mao kini imong gipili?

Philipp: One of my mentors in singing, Jade Castro (composer of the song who won in Cebu Pop), suggested a song that will fit my voice kay pare pareho man mig timbre. Good thing kay pundo sad sa banda ang song. It's a song usually sang by female singers entitled "Neither One of Us" (by Gladys Mcknight), and I made a version of the song. Maybe, mao sad na ang naka plus points sa ako performance.

BNH: Pipila ka adlaw human sa imong kadaugan unsay imong gibati ug unsa para nimo ang rason nganong ikaw ang nakadaog?

 Philipp: Actually, it took me almost one day para masink in nga nakadaog jud ko. Sige kog pasagpa or pakusi, para lang masure nako nga wa ko nagdamgo. Hehehe. Ang rason? Feel nako kay gitubag na gyud ni God ako damgo nga tagaan ko'g usa ka big break para maprove nako akong worth sa music industry ug para maproud sad ako parents nako.

BNH: Karon nga nakaangkon na kag break, unsay sunod nimong buhaton sa imong musika?

Philipp: I will not stop learning everyday.. I would keep on enhancing my craft.. And I will continue inspiring other people through my music

BNH:  Ang imong gikanta naghisgot og duha ka binuhat nga nagdumili pagpanamit sa usag-usa bisan og dili na maayo ang ilang panag-uban. Nakasinati ka na ba og ingon niini nga relasyon? How's your lovelife?

Philipp: Di lang sa ko mutubag ana kuya ry kay medyo kumplikado... Ako gifocus sa karon ako career aron malipay ko.

BNH: Unsay natabang sa Sinulog Idol kanimo niining maong bangga sa awit ug unsay imong gibati nga mga Sinulog Idol sab ang pipila sa higpit nimong na karibal sa titulo?

Philipp: Nakatabang gyud kaayo ang Sinulog Idol not only in terms of singing, but also mabuild ang confidence. Para nako lang, wa nako gitreat tong gabhiuna as a contest but another opportunity for me to share what I have and to let the people feel the beauty of music. Actually, kaming Sinulog Idols gihapon ang magtinabangay backstage. Wa gyuy competition nahitabo backstage.