Kim at Coco mas magiging malalim ang ‘relasyon’
Marami ang nagsasabi na wala talaga umanong reÂlasyong namamagitan sa pagitan nina Kim Chiu at Xian Lim liban sa kanilang pagiging magkaibigan lamang. Ito marahil ang dahilan kung bakit naiirita si Kim sa tuwing tinatanong siya tungkol sa totoong estado ng relasyon nila ni Xian dahil wala sila dapat aminin.
Pagkatapos na mataÂgumpay nilang tambalan sa pelikula sa pamamagitan ng Bride for Rent, pinaghiwalay at pahinga muna ang tambalan nina Kim at Xian sa teleserye dahil ang aktres ay ipinareha kay Coco Martin sa bago nitong teleserye, ang Ikaw Lamang na tinatampukan din nina Julia Montes at Jake Cuenca. Wala pang bagong TV project si Xian na malamang na ipapareha naman sa ibang leading lady.
Samantala, pangatlong pagsasama sa isang teleserye nina Kim at Coco ang Ikaw Lamang although hindi sila ang magkapareha sa dalawang naunang TV project, ang TaÂyong Dalawa at Kung Tayo’y Magkakalayo.
Malamang na mas maÂging malalim ang pagiÂging magkakilala nina Coco at Kim habang ginagawa nila ang Ikaw Lamang.
Torpe tatagal lang ng isang season
Ngayong araw ng BiyerÂnes, Feb. 28 magtatapos ang na-extend na tawa-serye ng TV5 na Madam Chairman na pinagbibidahan ng Megastar na si Sharon Cuneta at ito’y papalitan ng panibagong romantic comedy series na Confessions of a Torpe simula sa darating na Lunes, Marso 3. Ang bagong tawa-serye ay tinatampukan nina Ogie Alcasid, Gelli de Belen, Alice Dixson, at Wendell Ramos kasama sina Bayani Agbayani, Pilita Corrales, Bibeth Orteza, Jojo Alejar, Mike Lloren, Mark Newmann, Sharia Mae, at Albie Casiño na pinamamahalaan ng actor-director na si Soxy Topacio.
Ayon sa coporate public relations head ng TV5 na si Peachy Vival-Guioguio, tatagal lamang sa ere ang Confessions of a Torpe sa loob ng isang season or three months pero puwede raw itong mag-extend tulad ng Madam Chairman.
Bukod sa Confessions of a Torpe, sina Ogie at Gelli ay magkasama rin sa gag show ng Kapatid Network na Tropang Unli. Unang nagkasama sina Ogie at Gelli sa dating top-rating gag show ng ABC-5, ang Tropang Trumpo kung saan din kasama si Michael V. na iniwan ni Ogie sa kanilang long-running gag show sa GMA, ang Bubble Gang.
- Latest
