Dili apektado

CEBU, Philippines - Suma pa ni Anne Curtis nga wala gayud matud pa sila naapektuhan ni Angelica Panganiban taliwala sa pagpanagpa sa nahauna sa uyab sa nauwahi nga si John Lloyd Cruz sa nilabay nga tuig. Lig-on na matud pa ang friendship nila ni Angelica.

Wala’y basehanan

Gibasura sa Prosecutor’s Office sa Taguig City ang libel case nga gisagpa ni Sarah Lahbati batok kang GMA Network executive Atty. Annette Gozon Abrogar gumikan sa kakuwang og basehanan. Gipagawas ang hukom kagahapon sa buntag.

Misamot kasuod

Suma pa ni Julia Montes nga mas nilawom matud pa panaghigalaay nila karon ni Coco Martin. Unang nagkasuod sila si Coco ug Julia pinaagi sa malampuson kaayo nilang teleserye sa ABS-CBN nga “Walang Hanggan.” Subli silang magkauban sa teleserye, apan dili na sila magka loveteam. Kini mao ang “Ikaw Lamang” diin si Kim Chui na ang pares ni Coco.

Todo drama na gyud

Gituyo gayud matud pa sa ABS-CBN management nga si Coco Martin maoy ipares kang Kim Chui sa umaabot niini nga teleserye. Kini aron hingpit na gyud nga makabuhi si Kim sa romance-comedy genre sanglit napamatud-an na niya ang iyang kapabilidad niini ug pinaagi kang Coco mas mapalig-on pa ang iyang pagka dramatic actress.

Murag teenager

Gikilig si Alice Dixon sa iyang pagbalik sa dating scene. “Ang sarap pala. Feeling-teenager tayo ulit!”  Mga pipila ka bulan na matud pa sila nga nag-date sa iyang “special someone” ug nagmabungahon matud pa kini.

Magpa sexy na

Bukas na si Jeric Gonzales nga muhimo og kissing ug lovescenes sa iyang umaabot nga mga proyekto sa GMA Network. Suma pa sa Protegee winner, walay problema kining tanan para niya sanglit tipik matud pa kini sa trabaho sa usa ka artista.

Kaslonon pud

Karong umaabot nga November gitakdang magpakasal si Joross Gamboa ug ang iyang longtime girlfriend nga si Kathy Kimberly "Katz" Saga. February last year pa nag-propose si Joross ngadto kang Kat apan sa nilabay nga bulan lamang matud pa sila nagsugod pagpangandam alang sa ilang umaabot nga garden wedding nga ipahigayon sa Fernbrook sa Alabang.

Naka P300M na

Gibutyag ni Iza Calzado sa Buzz Ng Bayan niadtong Domingo nga niadtong gihimo pa lamang nila ang pelikulang “Starting Over Again” naka-feel na siya nga hangupon ug maayunan gayud kini sa publiko. Apan wala matud pa siya nagdahom nga mamahimong ingon niini ka blockbuster ang pelikula nila ni Toni Gonzaga ug Piolo Pascual nga giingong nihipos na og P300 million sa takilya. Hinungdan nga labihan ka mapasalamaton ug kamapasigarbuhon ni Iza.

Okay pa-s alright

Gihimakak ni Mikael Daez ang balita nga nagkaproblema matud pa ang ilang relasyon ni Miss World Megan Young. Suma pa ni Mikael okay sila ni Megan, nagka lig-on matud pa ang ilang relasyon ug suportado nila ang usa’g-usa.

Roxanne ug Cedric nagkuyog dinhi sa Sugbo?

Dili matud pa managkaila sila si Roxanne Acosta Cabanero ug Cedric Lee. Mao kini pangangkon sa duruha. Sa nasayran si Roxanne niduso og reklamong rape batok kang Vhong Navarro ug nanawagan og hustisya alang sa nahiaguman matud pa niya sa mga kamot ni Vhong niadtong April 24, 2010.

Apan usa ka follower ni PangMasa columnist Tony Calvento ang adunay pagduda sa pangangkon ni Lee ug Cabanero nga dili sila managkaila. Si Emi Yuzuki ang nikomento nga kadudahan matud pa ang maong pangangkon gumikan kay sa Google Plus page ni Roxanne, usa ra ka tawo ang anaa sa circle niini, si Cedric. Kun anaa sa iyang circle, buot pasabot niini matud pa nga si Roxanne ang ni-add kang Cedric.

“Both Roxanne and Cedric have already denied their friendship, but Roxanne’s Google Plus page has only one person in her circles and that is Cedric Lee. To be in her circles, means she was the one who added Cedric to her circles. Although anybody can create a Google Plus account, this does not look like a fake account of Roxanne because it is linked from a blog post that was created on May 6, 2013, long before the Vhong Navarro incident happened,” ni Yuzuki pa.

Samtang dugang report sa www.getitfromboy.blogspot.com nga nasigpatan matud pa kaniadto nga nagkuyog sila si Roxanne ug Cedric diha sa Mactan.

Star Magic All Stars gihugupan, malampuson!

Midagsa ang mga Cebuano fans atol sa Star Magic All Stars Celebrity Basketball Game nga gipahigayon sa Hoops Dome, Lapu Lapu City.

Hingpit nga nalingaw ang mga fans sa kamaayong muduwa sa mga Kapamilya artists ug kupunan sa Cebu All Stars.

Lakip sa Kapamilya Stars nga misalmot sa celebrity basketball game sila si Gerald Anderson, Rayver Cruz, Jason Abalos, Joseph Marco, Ejay Falcon, Matt Evans, Young JV, Randy See, Jose Sarasola ug Gerard Acao.

Usa pa sa nakadala og kahugyaw sa basketball game ang swerteng fan nga gisayawan nila Gerald, Rayver ug Young JV atol sa half time break diin gi-alsa siya sa mga Kapamilya stars ug gipasa-pasa sab sa ubang players.

Matud pa sa graduating student nga si Abbygale Nador “idol gyud nako silang tanan, as in overwhelmed kay ko. Nagsige ra gyud ko og Hi kay Gerald then nikalit lang siya’g duol as in happiest day nako ni, this is the best graduation gift.”

Gisuportahan sa Cebu Schools Athletic Foundation, Inc. (CESAFI) ang maong indigay diin upat sa mga iladong tunghaan ang misalmot sab sa charity event  sama sa University of the Visayas, University of San Jose-Recoletos, University of San Carlos, ug University of Cebu.

Sakop sa Cebu All Stars ang mga MVP nga sila Arvin Kim Gomez ug Jan Auditor gikan sa University of Cebu; James Earl Regalado, Laiel Medalle, Fletcher Galvez ug Renzo Senining sa University of San Jose-Recoletos; Izak Keifer Lim ug Nicolas Magat of University of San Carlos; ug sila Chris Perolino ug Rey Suerte gikan sa University of the Visayas.

Malampuson nga namuntos si Gerald alang sa Kapamilya stars nga miresulta sa ilang kadaugan sa score nga 92-96.

Ang charity basketball game gi-organisa sa Megapixel Marketing and Events Services, Inc. alang sa ABS-CBN’s Lingkod Kapamilya Foundation Inc. ug Green Initiative. (Queenie Espere, USJR Masscom Intern)