Kung kelan mga nagka-edad Cita Astals at Anthony Castelo may relasyon!
Ang cute at ang gaganda ng triplets ng mag-asawang Ramona Revilla at American husband nitong si Frederick Farrell na nagkaroon ng dedication (binyag) last Sunday noontime na ginanap sa isa sa mga function rooms ng Shangri-La Makati. Ang People’s champ na si Manny Pacquiao ang nanguna sa mga listahan ng mga ninong pero hindi ito nakarating dahil sa kanyang ongoing training sa kanyang hometown sa GenSan. Nagpadala na lamang si Cong. Manny Pacquiao ng kanyang representative na naligaw pa dahil una itong pumunta sa EDSA Shangri-La Hotel. Hindi rin nakadalo ang ilan sa mga ninong tulad nina Kuya Germs (Moreno), Mario Dumaual, at Lhar Santiago.
Ang triplets na anak nina Ramona at Fred na sina Freosyl, Fersiana, at Frederie now 7 months old at isinilang last July 2.
Ngayong nabinyagan na ang triplets, babalik na ng Amerika ang mag-asawang Fred at Ramona kasama ang kanilang mga anak although magpapabalik-balik pa rin sila ng Pilipinas dahil sa kanilang itinayong wine business sa Parañaque City.
Mula Shangri-La Makati last Sunday afternoon ay tumuloy na kami ng Mowelfund Plaza sa Quezon City kung saan naman ginanap ang children’s party ng bunso ng dating child actor na si Niño Muhlach. Carbon copy ni Onin (palayaw ni Niño) ang kanyang bunso nung siya’y child star at mukhang mahilig sa showbiz.
Ang Mowelfund Plaza ay nagmistulang circus sa rami ng rides, balloons at mga pagkain. Nakita namin doon ang actress mom ni Onin na si Rebecca Rocha na matagal ding namirmihan sa San Francisco, California. Ayon kay Rebecca ay magba-balik showbiz umano siya. Naiwan naman sa Amerika ang nakababatang kapatid ni Onin na si Allan na nagtatrabaho umano sa Hawaiian Airlines.
Nakatabi naman namin ng upuan ang magkaÂrelasyong Anthony Castelo at Cita Astals. Wala kaming kaalam-alam na hiwalay na pala ang balladeer na si Anthony sa kanyang misis. Baby ang tawagan nina Anthony at Cita sa isa’t isa.
Erik at Mark buking na basted kay Rachelle Ann
Sa send-off concert ni Rachelle Ann Go na ginanap sa Meralco Theater last Saturday, naging special guests ng London-bound singer-actress ang kanyang idol na si Regine Velasquez at mga dating kasamahan sa ASAP na sina Christian Bautista, Erik Santos, at Mark Bautista. At the concert, nabuking na nanligaw pala kay Rachelle Ann ang tatlo pero si Christian ang pinalad. Although hiwalay na sila ni Rachel Ann, nanatili silang magkaibigan up to this day. Ang PBB ex-housemate at grandwinner na si Slater Young ang bagong guy na nauugnay ngayon kay Rachelle Ann.
- Latest
