Aljur panay ang basa ng bible

Kung nine days na lang ang Adarna, ibig sabihin ay sa March 10 na ang pilot ng Kambal Sirena na pinagbibidahan ni Louise delos Reyes.

Susubukan dito ang love team nina Louise at Aljur Abrenica na gaganap sa role ni Kevin na la­ging naka-display ang hubad na katawan.

Napapansin lang namin na habang papalapit ang airing ng Kambal Sirena, lumalala ang pang-ookray kay Louise. Mabuti na lang at hindi ito nagpapadala sa negative comments sa pagiging sirena niya at pagkukumpara kay Anne Curtis.

Anyway, nagbabasa pala ng Bible si Aljur, may pinaghahandaan kaya ito?

Mark nagpapaka-ama na!

Nakatulong ang pag-amin ni Mark Herras na may anak na siya dahil libre na siyang magpaka-ama sa kanyang baby girl. Sa kanyang Instagram, nag-post ito ng picture ng mga kamay nila ng anak, marami tuloy ang nag-request na next time mukha naman ng anak ang i-post.

Ada Sofia Nicolette pala ang full name ng bata at binig­yan ni Mark ng meaning ang three names ng anak. Ang Ada ay first baby girl, ang Sofia ay smart baby, at ang Nicolette ay crowd favorite.

Siyempre, hindi nawawala ang bashers ni Mark at ang ginagamit pang hashtag ay #markherrascheater. Niloko raw nito si Ynna Asistio at ang pa­milya ng ex-girlfriend. Ang maganda, mas marami ang nakakaintindi kay Mark at tanggap pa rin siya kahit binatang ama.

Nadine sumakto sa Diary ng Panget, author aprubado

Kung si Bob Ong ay ayaw magpakita sa tao, ang author ng Diary ng Panget: The Movie ay nagpakita sa kanyang fans. Sa launching nina James Reid, Yassi Pressman, Andre Paras, at Nadine Lustre bilang mga bida sa Viva Films movie kasama sa visual presentation ang interview sa author na kilalang si Have You Seen This Girl o si Ate Denny. At least, alam nating may Ate Denny na sumulat ng hit book.

Si Ate Denny ang nagsabing kamukha ni Nadine ang sketch ni Eya Rodriguez sa cover ng libro, hanggang sa ayos ng buhok. Ibig sabihin aprubado sa kanya ang pagkakapili kay Nadine to play Eya’s role.

Bagay sa apat ang kani-kanilang role sa mo­vie na ididirehe ni Andoy Ranay. First movie ito nina Nadine, James, at Andre dahil si Yassi ay nakagawa na ng movie.

JC Tiuseco idinenay na sinulot ng bagong manager

Dagdag na talent ni Popoy Caritativo under his Luminary Talent Management si JC Tiuseco na dating talent ni Jonas Gaffud. Bago pa intrigahin na sinulot ni Popoy si JC kay Jonas, nilinaw ni Popoy na alam ni Jonas ang paglipat ni JC sa management niya.

Hindi lang nai-announce pero last year pa raw niya talent si JC.

Napapanood ngayon si JC sa Adarna bilang kontrabida, with Popoy as his manager, siguradong susubukan niya ang aktor sa ibang role.