Bigtime afershock ni Remton

CEBU, Philippines - Usa sa labing respetado ug inila nga batan-ong direktor sa binisaya nga salida. Taliwala sa pagtahud nga iyang naani gumikan sa kamaayo niya, nagpabilin siyang mapaubsanon ug mahigalaon.

Napasalida na sa Manila ug laing nasud ang iyang mga obra sama sa "Ang Damgo Ni Eleuteria"(nga istorya kabahin sa mail-order-bride Filipinas),alang sa Cinema One Originals ug ang iyang labing uwahing kadaugan mao ang pagharos sa hapit tanang pasidungog sa Sinulog 2014 short film competition.

Nalangkat sa iyang short film nga "Aftershock" ang Best Film of the Year, Best Story, Best Director, Best Actor, Best Production Design in Sinulog Film awards.

Ang Aftershock nagtuyok sa kinabuhi sa usa ka lalake nga brokenhearted gumikan kay gibiyaan sa iyang hinigugma. Si Matt Daclan, kanhi host sa programang Suroy-Suroy sa Sugbo TV kinsa usab kababata sa direktor, maoy nihatag og kinabuhi sa bida nga lalaki.

Karon atong sination ang award-winning director:

Banat News Hugyaw (BNH): Unsa man ang mahitungod imong short film nga Aftershock?

Remton: A musical short film about love, loss, longing, getting over, gaining faith and moving forward.

BNH: Nganung gipili man ni nimo nga theme?

Remton: Last year man gud, 2013, mao ni kasagaran experience sa akong mga friends. Mga nagbuwag, naay namatyan og hinigugma. Mao tong naka-think sad ko nga maghimo og salida about it. It's a generic film actually. Some would say this is about a certain friend. Pero dili man. Siguro universal lang gyud ni nga theme. Naa man gani mu-message nako sa Facebook nga musulti nga maka-relate daw siya sa film kay mura gyud daw'g iyahang storya.

BNH: Usa ka kanta nga Bisaya ang gigamit ani nga isip soundtrack. Nganung kini man imong gipili?

Remton: Kanang kanta sa Missing Filemon nga Kawanangan, dugay na man na siya. Mao gyud ni nga kanta akong paminawon kung kanang magmaoy ko or kanang dili maayo akong pamati. Mao to, pag-conceptualize nako sa short film, mao gyud ni akong nahuna-hunaan nga gamiton kay gusto man ko maghimo og musical short film in preparation for a full-length musical nga maoy akong gusto gyung buhaton.

BNH: Giunsa nimo pagpananghid sa composer ug singer nga imong gamiton ang ilang kanta?

Remton: Ni-message ko ni Insoy (Ninal, bokalista ug composer sa Missing Filemon) sa Facebook. Iyang wife ang nakabasa ug mitubag kay shared man na ilang account. Ingon siya nga iyang i-inform iyang husband. Nalipay ra man pud tingali sila nga gigamit namo ang ilang kanta.

BNH: Unlike other entries, ang imong short film indirect ang involvement sa Sto. Niño. Nganung ingon ani man ang pagka present?

Remton: Admittedly, naglisod ko unsaon pagsulod sa Sto. Niño. Gusto man gud nako nga realistic. Kay di ba kung naa tay problema, normally, mag-ampo ta. Mangayo tag panabang. Ang tubag ana sa Ginoo ipaagi na niya sa lain-laing paagi. Dili biya gyud na obvious kaayo. It's up to us to read the signs. In the case sa film, naay gamay nga image nga naabot sa iyang desk. Every time maghikog siya, dili gyud madayon tungod sa aftershock ug katong super typhoon. Then, naa pud ang image iyang makita which reminds the character nga naa ra ang Sto. Niño.

BNH: Unsa kadugay ning gihimo ang Aftershock?

Remton: Mga around September, nagkastorya mi ni Matt (Daclan). Nagkasinabot mi nga mao ni ang theme for the short film. Ming-agree pud siya nga siya ang mudala sa main character. We agreed to have this theme kay parehas man gud mi nga naka- experience og grabe nga pagkaguol, just like our other friends.

BNH: Challenges faced during the making of the film?

Remton: We started shooting shortly after that. Hunong-hunong kay depende man sa availability sa finances. Aside from writing and directing this, I also produced this with the help of some friends. Usahay kung wala na gyud money, stop gyud sa shoot. Putol-putol gyud among shooting schedule. In fact, nag shoot pa gani gihapon mi adtong Sinulog day and even after that. Thankful ra ko sa akong mga friends who are also into films nga mitabang gyud ani nga project. Dako kaayo sila'g tabang.

BH: Future projects?

Remton: I plan to really make a musical nga full-length. Hopefully mao na na akong next project. I am praying nga unta mao na na kay dugay na nako nga dream makahimo gyud og musical. I will be working with local composers and musicians.