Andi walang bra nang rumampa sa premiere night; Kahit tambak ang kaso, Cedric tuloy ang paggu-goodtime!

PIK: Bawal pa raw i-reveal kung sino ang mga napiling bida sa malaking project ng TV5 na Pretty Little Liars.

Natitiyak namin na karamihan ay galing sa Artista Academy, pero ang isa sa masuwerteng nakapasok ay ang nakakatandang kapatid ni Jessy Mendiola na si Pam Mendiola.

Magkamukhang-magkamukha ang magkapatid, pero mas strong ang looks ni Pam kaya mas bagay sa kanya ang kontrabida role na type naman niya.

Nakatapos siya ng kursong International Studies sa Miriam College, naka-schedule na sana siyang magpa-interview sa PAL bilang flight attendant, pero pinasubok muna sa kanya ang mag-audition sa TV5 at sinuwerte naman siyang napili para sa Pretty Little Liars.

PAK: Daring ang suot ni Andi Eigenmann sa premiere night ng Aba Nakakabasa Na Pala Ako na ginanap sa SM Megamall kamakalawa ng gabi.

Halos sumisilip na ang malulusog niyang dibdib sa kanyang suot dahil braless ito.

Kaya matindi ang pagguwardiya ng mga kasamang kaibigan at baka mahipuan ang young actress.

Nadismaya lang si Andi dahil pagkatapos ng premiere night saka lang namalayan ng mga kaibigan ng aktres na nanakawan na pala sila.

Hindi naman nilinaw kung ano ang mga nanakaw sa kanila. Nag-post lang si Andi sa kanyang Twitter account;

“Ilan sa mga kaibigan ko nanakawan kanina sa sine pagkanood ng premiere night. Pasalamat na lang at hindi sila nasaktan. Pero hindi ibig sabihin dapat nang makalampas ang mga taong ito, na napakamakasarili.”

Showing na ang Aba Nakakabasa na Pala Ako na binigyan ng Grade A ng Cinema Evaluation Board.

BOOM: Doon din sa premiere night ng naturang pelikula, naikuwento ni Vandolph na totoong sinugod pala ni Boy 2 Quizon si Cedric Lee sa isang party sa 71 Gramercy sa Makati kamakailan lang.

Mag-bestfriends sina Boy2 at Vhong Navarro at galit na galit ang Kapuso comedian sa ginawa kay Vhong kaya nang nalaman daw niyang nandun sa isang party si Cedric, sinugod daw niya ito para komprontahin pero naawat naman sila.

Nagtataka lang daw ang mga tao na pa­nay naman daw ang labas ni Cedric at gimik sa kabila nitong mga hinaharap niyang gulo at kaso.