Sarah nagrebelde, nagputol og buhok?

CEBU, Philippines - Nagpaputol matud pa og buhok si Sarah Geronimo isip pagrebelde ngadto sa iyang inahan nga si Mommy Divine kinsa supak matud pa sa relasyon sa iyang anak ug ni Matteo Guidicelli. Ang problema mao nga adunay kontrata si Sarah sa usa ka shampoo brand nga dili paputlan ang iyang buhok. Samtang sa kalagot matud pa ni Mommy Divine sa pagpaputol ni Sarah sa iyang buhok, wala niini gipagamit ang sakyanan busa nag-taxi ang Pop Princess paingon sa set sa movie nila ni Coco Martin.

No pre-marital sex

Giangkon ni Toni Gonzaga nga dakong hagit sa relasyon nila ni direk Paul Soriano ang "no sex before marriage" policy sa mga ginikanan niya, apan nakaya ra kini nila. Samtang labihan ang pasalamat nila ni Toni ug Piolo gumikan kay padayong gihugupan sa mga sinehan ang "Starting Over Again" nga sa unang adlaw nihipos og P25 million.

Batokan ang cyber-bullying

Mapasalamaton si Julia Barretto nga biktima siya kaniadto og "bullying" gumikan kay nagamit niya ang maong kasinatian sa iyang umaabot nga teleserye sa ABS-CBN, ang "Mirabella". Nasayran nga daogdaogon ug bugalbugalan ang iyang character sa maong pantaserye gumikan kay bati siya og dagway.  Gumikan niini, sa tinuod nga kinabuhi, ang pagbatok sa cyber bullying maoy adbokasiya na karon ni Julia.

Birthday wish

Birthday wish ni James Yap nga mahiuli na ang maayong relasyon niya ug sa iyang kanhi asawa nga si Kris Aquino. Karong adlawa ang ika-32 nga kasumaran sa adlaw'ng natawhan sa basketball star.

Sa HK nagloving-loving

Tua sa Hongkong nagsaulog sa Valentine's Day sila si Heart Evangelista ug Senator Chiz Escudero. Birthday usab kagahapon ni Heart.

Nilugwa sa Japan

Nilugwa sa Japanese show nga  Why Did You Come to Japan? ang Sexbomb Girls nga sila si Aira Bermudez, Jopay Paguia, ug Louise Bolton. Ang maong show ipasalida didto sa Japan matag Miyerkules sa gabii, diin ang hosts mao ang mga ilado nga komedyante nga sila si Osamu Shitara ug Y?ki Himura.

Walay basehanan

Na-dismiss ang Temporary Protection Order nga giduso ni Deniece Cornejo batok kang  Vhong Navarro. Suma pa ni Judge Lorifel Pahimna sa Taguig Metropolitan Trial Court Branch 69, walay basehanan ang gidusong TPO. Ang TPO kun maaprobahan usa ka kamanduan sa korte aron dili makapaduol ug muduol ang usa ka tawo ngadto sa niduso niini.

Kissing scene

Gipagawas sa NBI ang laing CCTV footage nga kuha niadtong January 23, sa elevator sa condominium building diin gibun-og si Vhong Navarro. Sa maong footage tataw nga gihagkan ni Cedric Lee si Deniece Cornejo makaduha ka higayon. Kini paghuman nila og pa-blotter kang Vhong.

"Non-issue"

Apan para sa abogado ni Cedric Lee nga si Atty. Raymund Fortun "non issue" ang kissing scene sa iyang kliyente ug ni Deniece Cornejo sa elevator.  Sa iyang Facebook account nagkanayon si Fortun: "Maybe it's just me, but it looks like the girl didn't even want to be kissed. Others will think otherwise. What matters is, again, what I PERSONALLY KNOW."

Gugmahay!

"I will always be here for you" ang mensahe ni Isabel Oli ngadto sa iyang uyab nga si John Prats kinsa nagsaulog sa iyang 30th birthday kagahapon.Sa instagram gibuhagay ni Isabel nga bulahan matud pa siya nga aduna na siya'y John Prats sa iyang kinabuhi.