Singing from the Heart

CEBU, Philippines - Name: Sheila Mae B. Bucog

Nickname: Shey

Age: 17

Date of Birth: Sept. 19, 1996

Nationality: Filipino

Favorite song: This Is My Now

Favorite movie: Passion of Christ

Favorite TV station :  ABS-CBN

Celebrity Crush : Enrique Gil

School: University of San Jose Recoletos

Course: Mass Communication

Previous Titles: Robinsons  Campus idol

2nd placer , Uniliver's Voice Power

2nd placer   , Cebu's Pop Superstar -

grand champion, Search for Cebu's Pop

Sensation - 3rd placer

Nahimong parte na sa iyang kinabuhi ang musika, ug padayon siya nga nanglimbasog nga mapalapdan pa og maayo ang  iyang abilidad .

Ang pagsalmot og mga kompetisyon maoy nahimong sukdanan sa 17- anyos nga si Sheila Mae Bucog kung asa siya kutob sa natad sa pagkanta.

"Music is the best creation of man. Music is the sound of my life. Music isn't just a tune or a beat or some words that rhyme, it has meaning and music is the most comforting soul when there's no one around to comfort you," nagkanayon si Sheila.

Si Sheila maoy nahimong First Runner-up sa Sinulog Idol 2014 hinungdan nga visible siya karon sa pipila ka mga kalihukan sa dakbayan sa Sugbo aron mohalad og awit.

" Ang pagka 1st runner up nako sa Sinulog Idol kay dako na kaayo na nga achievement para nako. Dako  kaayo ang akong pasalamat sa tibuok production staff sa Sinulog Idol ug sa tanang mga coaches nga gidawat gihapon ko nila . Kay at the age of 17 naa na ko’y baby. Niapil ko og Sinulog Idol kay gusto nako nga i- prove sa tanang tawo ug sa akong ginikanan nga bisan tuod og sayo ko nanganak, wala na nagpasabot nga dinha na natapos akong mga pangandoy," suma pa niya.

 Matud pa ni Sheila nga dako ang iyang pagsalig sa Kahitas-an nga duna kini plano alang kaniya.

 "Dili gyud na nako ikauwaw nga naa ko’y anak kay nahitabo ni nako tungod kay naay plano ang Ginoo para nako ug lucky charm gyud nako akong anak. Gusto ko na makaingon ang laing tawo , ilabi na sa kadtong mga ni -discriminate nako nga bisag muana na ang uban na wala na koy paglaum, wala na koy chance na magmalampuson, naningkamot gihapon ko nga makab-ot nako ang akong mga pangandoy. Ug wala sad jud ko pasagdii sa akong ginikanan nga grabi ka supportive nako, ang akong auntie  nga naa permi mo sponsor sa akong suoton, ug ang Ginoo  nga naa gyud permi sa akong kiliran," suma pa ni Sheila.

Q &A

 Banat News Hugyaw (BNH): Human sa Sinulog Idol, unsa ang sunod nimo nga target?

Sheila Mae: Ang akong plano lang kay mupadayon gihapon ko sa akong pagkanta ug pag apil og mga contest kay gusto ko nga  mas ma- enhance ang akong pagkanta kay daghan pa kaayo kong  kinahanglang kat-unon bahin sa akong pagkanta .

BNH: Unsa imong tambag sa mga tawo nga ganahan mapareha nimo nga dunay talento sa pagkanta?

Sheila Mae: Try and try lang gyud  bisag makatilaw og kapildihan . Kinahanglan makat-on og disiplina sa kaugalingon. Permi  mangayo og guidance sa Ginoo pinaagi sa pag-ampo. Dapat walaon ang kauwaw  kay nindot man gyud nga  ma-share nato sa laing tawo ang atong talento nga gihatag sa Ginoo .

BNH: Unsa imong sekreto sa kanindot sa imong tingog?

Sheila Mae: Disiplina ug kinahanglan nga mohatag og igong oras sa  pag-practice .

BNH: Kung ikaw pagawon, mopadayon gihapon ka sa pagkanta?

 Sheila Mae: Kung mada pa sa akong tingog , mopadayun gihapon , pero kung dili na gyud madala,  dili na lang pud pugson. Ang tingog pud baya ang atong puhunan.

BNH: Gawas sa pagkanta, unsa pa ang lain nimo nga mga talento?

Sheila Mae: Sayaw.

BNH: Kanus-a ka makaingon nga nindot ang tingog sa usa ka tawo?

Sheila Mae: Kung kinasing kasing ang pagkanta .

BNH: Gawas sa nindot nga tingog, unsa pa angayan nga qualities nga naa sa usa ka singer?

 Sheila Mae:  Importante kaayo sa pagkanta, kana ganing with feelings GYUD kaayo,  kay ang tawo maganahan gyud  na maminaw ana.  Kinahanglan nga kasabot pud ka sa imong gikanta.

BNH: Adunay mga musical variety show sa telebisyon, nga pakantahon nila ang mga artista bisan dili kaayo nindot og tingog, unsa imong ikasulti ana?

Sheila Mae: Okay ra man na siya kay bisan tuod og dili kaayu sila maayo og tingog, ang importante gi-explore nila ilang kaugalingon , nga dili lang sila sa pag-arte sila maayo . Kaya pud nila nga mokanta

BNH: Unsa ka importante ang edukasyon alang kanimo?

Sheila Mae: Sobra ka importante . Dako man gud kaayo og matabang ang edukasyon  sa atong kinabuhi.  Makatabang ta sa atong ginikanan nga mahaw-as sa kalisod ilabi na og makakita gyud og nindot nga trabaho. Niya bisa’g asa ta muadto dili na gyud na siya mawala unlike sa laing butang, kay education is within ourselves man gud mura ba'g gida na gyud na nato sa atong kaugalingon ug sa atoang kinabuhi hangtud sa atoang pagkawa aning kalibutana.

BNH: Kinsa ang ganahan nimo nga political figure ug ngano man?

Sheila Mae: Actually, wala gyud. Kay lisud kaayo  i-judge kong kinsay tinood ug dili, kung kinsay responsable ug kung kinsa puy dili. Niya ang uban sad maayo kaayo sa atubangan sa laing tawo pero sa tinud-anay dili diay.  Inigka-eleksyon  kay dunay mga molansar nga bayran ang mga tawo para lang ibotar sila. So para nako lisud na kaayo isalig sa mga ingon ana nga klase nga mga tawo.

BNH: Qualities sa guy nga imong gipangita.

Sheila Mae: Ang akong gusto ra man gyud kay kanang usa ka simple nga lalaki . Kanang mudawat nako kung unsa ug kinsa gyud ko. Okay ra kay ko anang dili gwapo basta nindot lang gyud og kinaiya, kanang kahibalo makontento og unsay naa niya, unya ang pinaka importante kay kahibalo makontento og usa (faithful / loyal). Ug kana nakit-an na nako ;)