Rising Stars
BisChika nga Domingo mga SweetkaButanding! Pila na lang ka adlaw kay Valentines Day na. Sama sa akong naandan kay basta adlaw sa mga gugma naa ra akong beauty gababag sa among balay (tungod wala man kita'y ka date ) .Ug tungod usab kay birthday sa akong anak-anak nga si Heart Martha Deldig Calo. Maayo na lang duna koy rason nganong ang inyong Yur's truly kay ma busy anang adlawa. Pero dili ko sure sa akong BFF Frances "Angel " Gacasan kay sa akong tan-aw murag kabayo ang iyang lovelife karun busa best in supporting actress lang akong peg. Grabe kaayo manipa usahay makaon nako ang iyang buhok tungod sa kataas..taas og pamati. hehehehe.. Advance Happy Birthday Heart gikan sa imong Daddy Yuri.
Speaking of gugma, kitang mga Sugbuanon o mga Pinoy kay mahilig man kaayo og kanta bisan asa kita ibutang mokanta gyud kita kung dunay higayon. Medyo yabag kever basta lang mokanta bisan og sa banyo go! Mao nga sa panahon karun nga moderno na , ang pagkanta ug pag-record ug pag-share sa imong mga friends sa facebook kay dili na kini problema kay ania na ang Rising Stars The Philippines Biggest Online Karaoke in Asia. Sa pagpangita og Next Rising Star, usa ka proyekto ang ilang gisugdan mao kini ang pagpangita og maayong mokanta sa mga nagkadaiyang dagkong probinsiya.
Usa sa ilang pinakadako nga proyekto, ang Rising Stars on TV naabot sa Cebu para sa bag-o lang nahuman nga Sinulog Festival nga nahimong Strategic Partner ang GMA. Pagkahuman sa usa ka buwan ug duha ka semana sa pagpangita sa Rising Stars on TV , nailaila ang Cebu's Newest Singing Stars pinaagi sa usa ka kompetisyon. Adunay napulo ka mga contestant nga nahatagan og kahigayunan nga mo -perform Live sa GMA Kapuso Mall Show niaging January 17, 2014 sa Gaisano Fiesta Mall Tabunok hosted by Yur's truly ug kauban ang gwapa nga co-host from Manila nga si Stephanie ( stylist usab sa contestants ).
Sa unang round nagtigi ang mga contestants isip grupo ug gikan dinhi gipili dayon ang Top 3 nga silang Jailyn Maribao, Nashrene Ericka Casas ug Jade Corda . Nadaug si Jade Corda isip Rising Stars on TV Champion nga gisundan ni Nasherene Casas sa ikaduhang puwesto ug si Jailyn Maribao sa ikatulong puwesto. Tumong sa maong kumpetisyon ang makadiskubre og mga Pinoy World Class Talents. Sigon pa sa CEO sa Rising Stars nga si Mr. Andrew Gonzci " I believe in Filipino Talents " mao nga pagkahuman sa Cebu aduna pay mga kumpetisyon ang Rising Stars sa mga nagkadaiyang parte sa atong nasod.
Sa katong mga gustong ipakita ang inyong talent ug dunay gugma sa pagkanta sa karaoke, karun na ang imong higayon nga mosidlak susama sa usa ka bituon. Bisitaha lang ang www.risingstars.ph basin ikaw na ang musunod nga Rising Star!
- Latest
