Beauty luwas na sa kaso

CEBU, Philippines - Malipayon gipahibalo sa kanhi  Pinoy Big Brother Teen Edition housemate nga si Beauty Gonzalez nga nasulbad na ang nasugatan niya nga kaso ug sa iyang igsuon nga si Michael Ryan Gonzales.

Kahinumduman nga gisikop si Beauty gumikan sa obstruction of justice niadtong November 2013 human matud pa misuway kini og paikyas sa iyang igsuon nga naa sa kustodiya sa Criminal Investigation and Detection Group (CIDG)  sa  Philippine National Police (PNP) niadtong higayona gumikan sa kasong human trafficking.

Suma pa ni Beauty nga “misunderstanding” lang ang nahitabo tali sa duha ka kampo ug gawasnon na karon ang iyang igsuon kinsa maoy nag-atiman karon sa ilang farm didto sa  Tuguegarao.

“Naayos naman din, napag-usapan naman, and natapos din nang maayos,” tsika pa ni Beauty ngadto sa PEP.

Komunikasyon nahibalik

Giangkon ni Derek Ramsay nga nahibalik ang komunikasyon nila sa iyang ex-girlfriend nga si Cristine Reyes . Giklaro hinuon sa aktor nga wala kini nagpasabot nga magbalik silang duha.

Fil-Am nakapuntos sa AI

Laing  Fil-Am  ang nakadawat og mga positibo nga komento sa hurado ug makatungtong sa next stage  human kini mi-audition sa  Season 13 sa American Idol.

Siya si  Malaya Watson, 16-anyos, nga taga  lungsod sa  Southfield didto sa  Michigan. Gikanta ni  Watson ang "Ain't No Way" nga orihinal nga giawit sa "Queen of Soul" nga si Aretha Franklin. Puros pagdayeg ang nadawat niini gikan sa hurado sa American Idol nga gilangkoban nila ni  Harry Connick Jr., Jennifer Lopez, ug  Keith Urban. Kahinumduman nga ubay-ubay na ka mga Fil-Am  ang nakakulit na og pangalan human nisalmot sa  AI niadto , kini sama nila ni  Jasmine Trias, Thia Megia, Camille Velasco ug ang Season 11 first runner-up nga si Jessica Sanchez.