Mike Enriquez natangayan ng pera sa bangko

MANILA, Philippines - Nawalan pala ng pera si Mr. Mike Enriquez nang tanggapin sa isang bangko ang mga pekeng dokumento para sa kanyang account ng isang dating employee ng GMA 7 para makakuha ng ATM card.

Kahapon ay inire-report sa news prog­rams ng DZBB ang nasabing insidente dahil inaresto na ang manager ng bangko na nalusutan ng mga pekeng dukomento.

Malaki-laking pera din daw ang na-withdraw sa ATM gamit ang mga pekeng documents sa account ni Mr. Enriquez.

Nadiskubre lang daw ng broadcaster ang kalokohan nang magka-problema sa tseke nang tawagan ng manager ng bangko. Doon lang nabuking na nababawasan pala ang iniipong pera ng beterano at magaling na broadcaster ng ibang tao.

Grabe imbestigador pa naman ng bayan si Sir Mike, ‘yun pala mismong ang bangkong pinag-iipunan niya ng mga kinita ang kailangan niyang imbestigahan.

Walang binanggit na halaga, pero malaki-laki raw.

Jon Santos iimpersonate si Deniece?!

Hindi na lang basta comedy bar ang The Library sa Metrowalk in Ortigas, Mandaluyong.

Magiging venue na rin ito ng mga concert. At isa sa mga unang magpe-perform si Jon Santos and his all-star cast at ang sikat pa ring Manila Sound band na Hotdog sa special shows.

Ito ay bilang bahagi ng plano ang Viva Live, ng Viva Group of Companies, to bring the best in Filipino entertainment sa nasabing lugar.

Si Jon na sumikat sa kanyang hilarious impersonations ng famous and infamous character ay mapapanood sa lahat ng araw ng Huwebes ng February sa The Library (Metrowalk) – February 6, 13, 20 and 27.

Ano kayang mga pasabog ang gagawin ni Jon? Gayahin niya kaya si Deniece Cornejo na tinutu­ring na woman of the hour dahil sa pagsasampa ng rape kay Vhong Navarro kahit malinaw sa CCTV camera na hindi sila nagkasama ng matagal ng TV host-comedian bago naganap ang bugbugan sa kanyang condo unit? Magsisimula ang lahat ng show ni Jon ng 9:00 p.m., at P800 ang presyo ng tickets.

At sa Valentine’s Day, mapapanood ang Hotdog. Babalikan ng legendary band ang kanilang big hits na of course ay ini-enjoy pa ng mahihilig sa music.  Muling pakinggan ang Manila, Pers Lab, Panaginip, Ikaw Ang Miss Universe Ng Buhay Ko, Bongga Ka Day, Annie Batungbakal and many others. Magsisimula ang show ng 9:00 p.m. at P1,500.00 ang presyo ng tickets.

Call Ticketworld at 891-9999 or Viva Live, Inc. 687-7236 for tickets.