Appearance

"Do not judge my brother, he is not a book" matud pa ni Miss International Melanie Marquez. Pero ang original gyud kay, "Do not judge the book by its cover."  Buot pasabot, dili nato angay hukman ang usa ka tawo o butang, hangtud nga wala pa nato mahisayri ang matuod nga istorya niini. Pero kasagaran nato, (guilty sab gani ko usahay), dali nga muhukom sa kun unsa ang atong makit-an ug madunggan nga tipik ug kabahin lamang sa matuod nga panghitabo ug istorya. Judgmental and it hurts ingon sila. Pakkk!

Last Monday, sayo ko nakamata busa nakaluto ko og pamahaw. Nagpalit ko og seasoning sa akong silingang tindahan, unya kay duha ka putos man akong gipalit, ni-react ang tindera pinaagi sa pagpangutana unsay akong giluto mura’g daghan kuno. Nitubag ko nga tawgi akong giluto. Ug sa dihang ni-react ang among usa ka silingan pinaagi sa pagpangutana: mukaon diay ka ana? Nitubag ko og , yes of course, pa-beauty baya na. Dili siya mutuo nga mukaon ko og utan, wa matud pa sa akong dagway! Pakkk!

Last week gihapon , polo akong gisul-ob. Ang sagad nga reaction kay, uy nice lagi. Nitubag pud ko og ukay-ukay man ni. Ug sa dihang nay nangutana, musul-ob diay ka'g ukay-ukay, dili katuohan? Last year sad naa sad koy long sleeve nga pinalit sa kilid-kilid, dili sila mutuo nga P250 ra to kay mutigi matud pa sa kasagaran nga tag P600-P800. Oh well, naa ra man gud na sa nagsul-ob. Aww! Bitaw katong ukay-ukay, mao to akong first purchase gyud, upat ka buok tag-P50 ang buok pinalit nako sa Punta Princesa, unya two days after gibaligya nila og three for 100! Makasapot or dili? Pakkk!

Bitaw, I think that's called typecasting. Kana bitaw'ng ibase sa mga tawo sa imong estado, unya naa sila’y expectation para nimo. Few years ago, naa sad koy friend nga nikomentaryo nga editor na kuno ko unya magbaktas ra ko, mag-jeep ug maglakaw-lakaw ras Colon. Dapat daw, naa na koy sakyanan. Hala noh, sila gyu’y magbuot? Pakkk! Ang uban dili mutuo nga mukaon ko'g ngohiong, banana cue, nilarang ug okay ra nako magpungko-pungko or pwede ra ko mag-lunch bali’g P20. Kay abi daw nila arte ko.

Akong punto dear okRYANians mao nga you have to know each person's story, sa dili pa ka muhukom. Angayan nga paminawon nimo ang tanang detalye ug bukikion o sination usa nimo daan ang usa ka butang. I don't know nganong naay mga tawo nga ma-shock kun mag-jeep or magbaktas ko, or makugang kun mukaon ko og ngohiong ug lansiao. You should hear and know my story and then you will get to know the real me: An islander who struggled in life emotionally and financially and got to where I am now because of God's infinite love and goodness.  Ug gumikan niana, wala ko’y rason nga mag-inarte.

Ikaw dear okRYANian, what is your story? Mag-istorya kita! Pangitaa ko sa Facebook: [email protected].