Bisayang chika

CEBU, Philippines - Nasabligan og tubig, nasuko

BisChika nga Domingo mga SweetKaButanding! Malipayon ang inyong Yur's truly kay nakapahuway na gyud ang akong beauty pagkahuman sa Sinulog 2014. Mapasalamaton usab kaayo ko nga bisan pa man wala ug tu-o ang mga shows sa Kapuso Network nahilayo ko sa mga sakit -sakit ug wala gyud intawon ko napagaw,(pero gamay na lang mapagaw na gyud unta). Mabulukon usab kaayo ang mga semana nga nilabay gumikan kay naabot ang usa sa duha nako ka BFF nga si Frances "Angel" Gacasan. Maayo na lang nga bisan sa ka busy nako nakasabot lang gyud siya kay kahibalo ang akong BFF nganong kayod kabayo ang akong peg. Masinabtanon kaayo ang akong BFF mao nga pagkahuman sa event balik na ang bonding moments namo ug usa na niini mao ang pagbalik nako og walk like a butanding. Happy to walk!

Pero kini ang Kinsa Siya????Usa ka sikat nga actor / host nga nag-walk sa panahon sa Sinulog sa usa sa mga alegre nga street sa Sugbo kay nasuko???? Sigon pa sa atong Kinsa Siya Insider (KSI) sa dihang naglingaw lingaw ang mga katawhan sa kasaulogan, nagsinabwagay og tubig, beer, pintalan ang imong nawong, basta moagi ka anang lugara. Mao nga ang KSI puwerteng lingawa gyud. Bisag kinsa wala nila palabya. Ug sa dihang….niagi kining sikat nga actor/host, galakaw sa kadalanan kauban ang maingon nato nga mga body guards. Kalit gibasa og tubig ang maong actor / host, unya imbes kini mopahiyum na lang sa maong panghitabo kalit naguba ang nawong nga murag nasuko. Igo lang siya gikataw-an sa mga nakakita sa iyang reaksiyon. Kinsa siya???Kini nga actor kay maayo usab mo acting /kung hosting lang ang hisgutan maayo usab, nag host na kini kanhi og usa ka gameshow sa Kapuso Network apan nawala ang iyang career murag feeling nako naa siya karun sa usa ka network. Kini nga actor kay adunay anak nga actor / host usab sa pagkakarun unya ang iyang anak kay nakauyab og usa ka sikat nga aktres apan nagbuwag sila. Kining anak sa actor / host nakauyab og lain pero ang ending nagbuwag na ra pud. Kinsa siya??? Taguon na lang nato ang iyang pangalan sa usa ka prutas…Ang iyang anak? Kinsa Siya? Suwerte apan sa gugma dimalas! Hahahahahah! Getching????

Getch na getch usab sa mga Kapusong Cebuano ang bag-o lang nahuman nga mga Kapuso Mall Shows niaging semana. Unang nilingaw sa mga Kapusong Cebuano ang casts sa Paraiso koy Ikaw nga silang Kristoffer Martin ug Kim Rodriguez nga back-to-back sa The Borrowed Wife nga silang TJ Trinidad, Pauleen Luna ug Camille Pratts. Pagkasunod adlaw nibisita usab ang casts sa Rhodora X nga silang Mark Herras, Mark Anthony Fernandez, Yasmien Kurdi ug Jennylyn Mercado. NaHugyaw lang ko ni Mark Anthony Fernandez nga kung makig istorya nako kay mag iningles man oi! Hahahahahaha! Mag nosebleed ko…dayon back-to-back usab kini sa casts sa Carmela: Ang Pinakamagandang Babae Sa Mundong Ibabaw, nga si Marian Rivera ug Alden Richards. Pagka Sinulog kay ang casts sa Carmela ang unang nisakay sa GMA Kapuso Float, pagkahuman sa paniudto kay ang casts na usab sa Rhodora X. Dili kay kana lang,para sa Let's fiesta hosted by John Feir nag-shooting usab sa Sugbo mao nga ang pagtrabaho ay hindi biro. 

Akong ipaambit ang nabasa nako nga quote: " Pilia ang gihigugma nimo nga trabaho,ug dili naka magtrabaho sa inadlaw-adlaw  sa tibuok  nimong kinabuhi.