Nganong palpak ang diet?

1.Sige ka'g hunahuna nga tambok ka!

Suma pa nga ang pagdiet, dili lamang limitado sa pag-exercise ug sa imong gikaon, kundili apil usab ang imong hunahuna. Usa ka pagtuon ang nagkanayon nga kun magsige ka og hunahuna nga tambok ka, mutambok gayud ka. Buot pasabot matud pa mao nga aron magmalampuson ang imong diet, kinahanglang kumbinsido ka niini. Positive thinking is the key!

2.Di ka mag-exercise.

Bakak matud pa ang pangangkon sa ubang produkto nga muniwang ka o mu-ubos ang imong timbang kun mugamit ka sa ilang baligya. Ang labing importante nga mga yawi paingon sa kalampusan sa imong weight loss program. Kun mag-diet ka lang ug walay kaluha nga exercise, siguradong mapalpak ang imong tinguha.

3.Bisag unsa na lang.

Dili makaayo sa lawas ang pagsige og usab-usab sa imong diet program. Suma pa sa usa ka pagtuon, 10% sa mga babaye ang mag-diet ka lima sa usa ka tuig. Risgo kini sa lawas sanglit sa higayon nga mapalpak ang imong diet program nga gituohan nimong maoy labing epektibo, mubalik ka sa imong naandan nga eating habits ug hayan makapaburot na hinuon sa imong lawas pag-usab.

4.Magpatuyang kas gibati.

Dakong hagit para sa mga nag-diet ang pagbuntog sa ilang kaibog o ganahang kaunon. Mao kini ang gitawag og cravings nga masinati sa usa ka dieter sa unang mga adlaw sa iyang diet program. Ganahan ka mukaon og tam-is sama sa cake, unya mukaon gyud ka kay rason nimo mataktak ra ang calorie kay nagdiet bitaw ka. Unya lamian ka, busa dugangan na pud nimo og usa o duha ka hiwa kay hunahuna nimo naapektuhan na man gayud ang imong diet sa unang hiwa nga imong gikaon, nan, paundayunan na lang.

5.Dili ka mamahaw.

Dakong sayup nga aron dali mugamay dili ka mamahaw. Suma pa sa usa ka pagtuon sa Imperial College London, ang pamahaw maoy labing importante nga kaon sa tibuok adlaw. Kun dili ka mag-breakfast, ang imong utok magpangita og pagkaon nga puno sa calorie aron mailisan ang panginahanglanon nimo og energy nga samputanan sa wala nimo pagpamahaw.

6.Kumpyansa kay ka sa diet soft drinks. 

Suma pa sa usa ka pagtuon sa Purdue University, ang mga tawo nga magpunay og inom og diet soft drinks manambok na hinuon. Kini gumikan sa "artificial sweeteners" sama sa "aspartame and saccharine" nga naa sa diet drinks. Kini maong sweeteners makapalibog sa imong lawas sanglit wala siya makabatyag og calories nga kasagaran makuha gikan sa mga tam-is nga pagkaon ug imnonon. Kining maong sitwasyon maoy makaingon sa paggawas sa hormones sa imong lawas sama sa insulin ug leptin, nga makapagutom nimo ug mupagrabe sa imong "food cravings."

7.Kumpyansa sa nagpahipi nga sugar.

Adunay mga "healthy snacks" sama sa yogurt nga daghan diay og asukar. Ang uban kumpyansa kaayo mukaon og flavored yogurt kay healthy lagi ang yogurt. Wala sila kahibaw nga ang sugar content niini naghinobra na. "Check the label" matud pa.

Gikan sa : http://ph.she.yahoo.com