Xian Lim-makasabot na'g Binisaya

CEBU, Philippines - Before anything else lang gihapon ko, Julian Tancawan Fitoy Vahawan, Edgar ug Chona Escalante, and Rogelio di Caprio Banderas Pit Afflec Serna. Mo-greet una ko'g Happy Birthday ngadto sa amiable kaayong vice governor sa lalawigan sa Sugbo, Hon. Agnes Magpale who will celebrate her birthday today. Dili ko imbitado, pero nag-ingon si Roger nga puede ra kono ko nga mo-gate crush. Ang problema, kay dili pod motug-an si Roger kun asa ang venue sa celebration. Giklarohan sad nako si Roger, nga kun adto's Danao City, unya way service nga sakyanan, nga mokuha nako unya anytime nga gusto na kong mopauli, ihatod, dili ko motambong. Klarex ba 'yan Julian Tancawan Fitoy Vahawan? Pero ikaw Julian, bisa'g dili na ko nimo love, kay si Sanden Anadia na man jud kaha’y imo, mo-gate crush gyod ko inig-anha ni Ejay Falcon sa Gaisano, The Main Store. Duol ra baya diri's among office ang Gaisano Main, syaro Julian, for old time sake, imo kong ipadakop sa guard kun imo kong makita diha? Ana na gyod ka?

Pero by the way, tinuod kahang si John Prats tong nakit-an sa akong mga espiya diha sa La Paloma Village sa Tisa niining dakbayan sa Sugbo? John Prats kono'g dagway, nagkawo sad kono'g sama sa kawo ni John Prats. Ang katingalahan, kay nagbinisaya kono ang kauban. Kinsa to? Ug nganong naabot man si John Prats didto? That reminds me. Giangkon sad ni Xian Lim, nga makasabot na gyod siya'g gamay nga binisaya. Syaro sad kono'g dili, nga ato pa lang My Binondo Girl, makadungog na gyod kono siyang magbinisaya sila's Richard Yap ug Kim Chiu. Unya usahay, maintriga siya. Mangutana gyod siya'g unsay buot ipasabot nilang Kim ug Richard sa Unsa, Hain, ug uban pang mga simple nga binisaya. Kay interesado sad kono siyang makakat-on. Unya, sa Bride For Rent, magbinisaya pa gyod kono sila's Kim ug Pilita Corrales. Maayo na lang kono, nga kun maghimo sila'g pelikulang binisaya sila's Pilita, Vina Morales, Kim Chiu ug Mateo Guidecelli, dili na siya maglisod. Ana!