Sunshine nakuha ang custody ng tatlong anak!

SEEN: Natulala si Yasmien Kurdi nang sabihin ni Mark Anthony Fernandez sa national TV na showing sa Jan. 26 o Jan. 27 ang kanilang upco­ming primetime suspense-thriller series sa GMA 7, ang Rhodora X.

Hindi alam ni Mark Anthony ang exact date ng airing ng Rhodora X.

SCENE: Nag-promote kahapon sina Camille Prats at Pauleen Luna ng kanilang love life sa Startalk, hindi ang The Borrowed Wife, ang pang-hapon na drama series nila sa GMA 7.

SEEN: Tumigil na sa pag-iingay si Maritoni Fernandez at ang kanyang anak na si Lexi.

Hindi na nila inaaway si TJ Trinidad na pinagbintangan nila na nang-bully kay Lexi sa taping ng Celebrity Bluff.

SCENE: Maligaya ang Star Cinema sa box-office result ng Bride for Rent, ang romantic comedy movie ng controversial love team nina Kim Chiu at Xian Lim. Nakatulong ang kontrobersiya kay Kim.

SEEN: Ang story conference kahapon ng Trenderas, ang teleserye ng TV5 na tatampukan nina Nora Aunor, Sheryl Cruz, Kristina Paner, Dingdong Avanzado, at Carl Guevara.

SCENE: Ipinagkaloob kay Sunshine Cruz ng korte ng Quezon City ang full custody ng tatlong anak nila ni Cesar Montano. Plano ni Sunshine na lumipat ng bahay sa Parañaque City at ilipat ng school ang mga anak nila ni Cesar.

SEEN: Ngayong gabi ang premiere screening sa Ozamis City ng Sa Ngalan ng Ama, Ina at mga Anak.

Nagpunta si Robin Padilla sa Ozamis City upang dumalo sa premiere night ng pelikula ng Padilla clan.

SCENE: Si Christian Bautista ang gaganap na Sam sa Ghost, The Musical ng Atlantis Productions.

Ang Ghost ang blockbuster Hollywood movie nina Demi Moore, Whoopi Goldberg, at Patrick Swayze.