Musical show nina Ogie at Sharon bilang na raw ang araw Aga at Derek pagsasamahin sa drama!

Seen : Magkapantay ang height nina JC De Vera at Vice Ganda sa mga eksena nila sa Girl, Boy, Bakla, Tomboy dahil gumamit si JC ng ‘apple box.’

Scene : Ang unconfirmed report na bilang na ang araw sa telebis­yon ng The Mega and The Songwriter, ang Sunday evening musical show nina Sharon Cuneta at Ogie Alcasid.

Seen : Magsisimula sa January 27 ang mga bagong primetime show ng GMA 7, ang Carmela nina Marian Rivera at Alden Ri­chards at ang Rhodora X na tinatampukan nina Jennylyn Mercado, Yasmien Kurdi, Mark Herras at Mark Anthony Fernandez.

Scene : Si Lucy Torres ang host ng Celebrity Dance Battle, ang dance show ng TV5.

Si Lucy ang Dance Goddess ng Kapatid Network.

Seen : Magsisimula sa January 23 ang Obsession, ang once a week drama series na unang project ni Bianca King sa TV5.

Co-stars ni Bianca sa Obsession sina Marvin Agustin at Martin Escudero.

Scene : Pagsasamahin ng TV5 sina Aga Muhlach at Derek Ramsay sa isang drama series na may working title na My Brother’s Keeper.

Seen : Ipinagbibili ni Katrina Halili ang mga slimming machine na ginamit niya sa slimming business sa kanyang bahay sa New Manila.

Ten thousand pesos hanggang P60,000 ang selling price ng mga used slimming machine.

Scene : Ang Home Sweetie Home nina John Lloyd Cruz at Toni Gonzaga ang itatapat ng ABS-CBN sa Pepito Manaloto ng GMA 7.

Pinaghandaan ni  Michael V. at ng GMA 7 ang magaganap na tapatan.