Action star, bagong beki sa bagong taon?

MANILA, Philippines - Gaganap na ‘mommy beki’ ang Kapamilya action star na si Arjo Atayde sa heavy drama episode ng Maalaala Mo Kaya ngayong Sabado (Enero 4). Bibigyang buhay ni Arjo ang karakter ni Jess, isang bading na kinupkop at nagsilbing ina sa anim na batang inabandona ng kanilang mga magulang.

Paano maibibigay ni Jess sa kanyang mga ‘anak’ ang pagmamahal at pagkalingang hindi niya natanggap mula sa kanyang ina?

Kasama ni Arjo sa kanyang MMK episode sina Ella Cruz, Ismael Clavero, Felix Roco, Assunta de Rossi, Via Veloso, Eliza Pineda, Kyle Banzon, Mike Lloren, Dindo Arroyo, at Jiriane Montilla.