Amboy susubukan ang Pinoy showbiz

MANILA, Philippines - Ang ramp and commercial model na si Serg Antonio ay nakahanda nang pasukin ang mundo ng showbusiness ngayong 2014.

Si Serg ay 20 years old at ipinanganak sa Los Angeles, California. Mula nung tumira na siya rito sa Pilipinas, sari-saring ramp at commercial mo­deling na ang napasok niya. Sa ngayon, nag-aaral siya sa Enderun Colleges at sabi nga niya, gusto na niyang sumubok sa pag-aartista lalo na nga’t marami rin siyang free time. Nagkaroon na rin naman siya ng acting training sa international film and television at nag-workshop na rin sa John Robert Powers para lang mahasa pa ang kanyang persona­lity.

Mahilig ding maglaro ng basketball si Serg pero sabi nga niya, gusto niya munang mag-focus sa pagpasok niya sa showbiz ngayong taon.

“I just hope that I’ll succeed in my new endea­vor, and I really hope to make good in this,” sabi ni Serg.