Luis natupad ang pangarap sa UFC

SEEN: Ikinasal noong Sabado ang acoustic singer na si Princess Velasco sa kanyang boyfriend, ang doktor na si Dr. Herbert “Bistek” Rosario.

Nasangkot ang pangalan nina Princess at Bistek sa sex video scandal ni Hayden Kho, Jr. noong 2009.

SCENE: Ang belated victory party at birthday party ni Congressman Manny Pacquiao sa MetroTent ng Metrowalk sa Pasig City noong Sabado. Si former Ilocos Sur Gov. Chavit Singson ang sponsor ng party.

SEEN: Sina Manila City Mayor Joseph “Erap” Estrada at Chavit Singson sa birthday party ni Congressman Manny Pacquiao.

Pinatuna­yan nina Erap at Chavit na “ there are no permanent enemies.”

SCENE: Nakatulong ang Metro Manila Film Festival best picture award ng 10,000 Hours dahil simula noong Sabado, pinipilahan na sa mga sinehan ang pelikula ni Robin Padilla.

SEEN: Pinaka-mapangahas ang sexy pictorial ni Carlos Agassi sa January 2014 Body Issue ng Metro Magazine.

SCENE: Sa rami ng mga pagsubok na pinagdaanan nina Chito Miranda at Neri Naig, nararapat lamang na pakasalan na nila ang isa’t isa.

Ang sex video nina Chito at Neri ang isa sa mga gumawa ng ingay sa showbiz sa 2013.

SEEN: Nakapunta si Luis Manzano sa Middleweight Ultimate Fight Championship 168 nina Chris Weidman at Anderson Silva noong Sabado sa MGM Garden Arena, Las Vegas.

Hindi makapaniwala si Luis na natupad ang kanyang pangarap na mapanood ng live ang UFC.

SCENE: Hindi pa bumabalik si Wally Bayola sa Eat Bulaga. Napanood si Wally sa Eat Bulaga noong Sabado dahil  “The Best of Eat Bulaga” ang ipinalabas.