Happy New Year!

Hugyaw nga Domingo mga SweetKaButanding! Pila na lang ka adlaw Bag-ong Tuig na! Pero sa dili pa matapos ang tuig, ang inyong Yur's truly kauban ang tibuok puwersa sa News and Public Affairs - Cebu  nitikang sa Bohol para sa usa ka misyon. Kini nga misyon mao ang paghatud og mga pinaskuhan sa mga tinun-an sa Loon North Central Elementary School. Sayo pa lang sa buntag kay best in preparation na ang akong beauty kay mikuyog ko sa pagpadulong sa Bohol ni Super Bobby Nalzaro ug ni Sir Jessie Campos. Unya ang drama nako kay misakay ko sa first trip sa ferryboat gikan sa Lapu-Lapu nga nidunggo sa Pier 3, unya segue dayon ko sa Pier 1 nga naHugyaw ko  kay nindot na kaayo ang ilang waiting area mura’g motigi sa airport, airconditioned, dunay charging area para sa cellphone ug wifi zone pa! Asa pa ka? Mao nang ang paglarga sa atong mga probinsiya dili boring! Hehehehhehe. Tuod man, pagdunggo namo sa Tubigon, Bohol nag-abtikay usa kami og pamahaw sa among suki nga carenderia unya ni biyahe na dayon mi padung sa Loon, Bohol. Pag-abot namo, nagtapok na ang mga ginikanan, magtutudlo ug mga estudyante kay andam na modawat sa mga regalo ug atong mga kapuso sa N&PA kay andam na pud kaayo. Unya, gitunulan dayon ko sa among Executive Producer nga si Vlad Fernando sa Santa Claus costume nga sa dihang ako nang gisul-ob…nagisi! Hahahhahaha! Dili tungod sa akong kadako kung dili tungod sa panapton niini, ang bakos wala nakaya ang akong lawas, naputol usab! Hahhahaha!  mao nga ang ending kay modern Santa Mother Butanding ang peg! Hahhahahaha! Gisugdan sa usa ka pag-ampo ang among programa unya usa ka espesyal nga mensahe gikan ni Super Bobby Nalzaro ug Nikko Serreno. Mawagtang ba diay ang paukay nga Butanding dance? Gipasayaw nako silang tanan sa akong walang kamatayang Butanding dance para warm up namong tanan. Ginagmay nga games nga dunay mga hugyaw nga mga pa premyo. Dayon, bisan sa init ug kalit lang nga pag-uwan among gihatag ang mga pinaskuhan sa atong mga magtutudlo ug dili lang na ha! Apil usab ang mga ginikanan,gani ang silingan nila nga eskwelahan amo usab natagaan. Nindot kaayo tan-awon ang mga bata nga malipayon kaayo sila nga nagbitbit sa ilang pinaskuhan ug wala pa diay natapos ang sa duwa ug pagpahatag og regalo, kay may salo-salo nga nahitabo. Duna'y giandam nga lamian kaayo nga spaghetti paresan ug pan. Nanguli sila nga bitbit ang regalo nga busog pa gyud kaayo. Pero ang mga magtutudlo sa maong eskwelahan kay nangandam pud diay og paniudto para kanamong tanan mao nga sa walay pagduhaduha …Ready..Set..Go! Lafangan dayon!  Salamat kaayo sa mga donors ug sa NAVFORCEN nga maayo kaayo ang among pagbiyahe. Pagpanguli na namo, sa unang higayon kay nakasakay ko sa ilang gitawag nga MPAC ( Multi -Purpose Assault Craft ) sa Phil. Navy, nalingaw ko kay  pagamay gamay lang kini pero kusog kaayo ang dagan. Mao nga happy kaayo mi nga nidunggo  sa Lapu-Lapu City.

Karung Bag-ong Tuig maghinaut ko nga mas kayanon pa natong tanan mga SweetKabutanding ang mga maabot pa nga mga pagsuway. Mas isog kita nga muatubang kini.  Ug labaw sa tanan ang atong pagsalig sa Kahitas-an mas lig-on.  Usa sa akong New Year's Resolution kay paghatag pa og oras sa pag exercise. Gusto ko mobalik sa akong walk like a butanding, zumba ug uban pa Mao sa pagsulod sa Bag-ong Tuig kahibalo namo kung asa ko ninyo makit-an??? Hhahahahahha!

Salamat mga SweetKaButanding sa mga katuigan sa dakong suporta nga inyong gihatag kanako sa BuenaManoBalita ug sa Banat Hugyaw! Mao nga laumi ninyo sa Tuig 2014 daghan pa kaayo kita nga saw-an nga Bisayang Chika!!!

Happy New Year!!!!!