His and her Apes!

I'm not really into cats, puppy or itoy gayud akong ganahan. But I was five-years old napahitan ko'g itoy maong nagka phobia ko'g gamay. Maglagot sad ko anang mga iro kay mamaghot nako basta muagi ko. Usahay mu-aksyon og banghag. Ingon sila, dili ka angayang mudagan kun makakita kag iro para dili ka gukdon-mag-urong ra gayud ka. Ang mga tambay pud miingon nga ang paghuton og iro kadto ra matud pang mikaon og iro, kay makatimaho kuno na sila sa ilang kadugo nga anaa sa imong lawas. Eight-years old pa man ko atong mikaon ko og iro, hangtud karon mamaghot lagi gihapon na sila? Ang uban musipat. Syaro sad wala pa mawagtang ang iro nga akong gikaon nga usa ra man to ka hiwa pud. Mga sungugan nga iro. Pakkk!

Dili kaayo ko anang iring kay mahadlok ko og makawrasan. Ingon pud sila ang iring kuno makahubak gumikan nianang balhibo. Ambot unsay medical explanation niana. Pero adunay mga higayon nga mahugyaw ko og iring gumikan sa ilang color combination, ilabi na kanang murag tiger og color. Apan kining mga iring nga akong gimantala karong adlawa, dili ang ilang balhibo maoy nakahugyaw kanako kun dili ang ilang mga mata. Talagsaon ra kaayo nga ingon niini ilang mata or it's safe to say nga nahugyaw ko kanila gumikan kay karon pa ko nakakita og iring o mananap nga lain-lain og color ang mga mata. Pakpak!

Pwes, Pasko nga dako nibisita mi sa fish pond sa akong lolo didto sa Barangay Puting Bato, Escalante City Negros Occidental, perti gyud nakong kamang-kamang uroy para maka picture niini nilang duruha. Yes uy, dili sila ganahan og selfie! Pakkk! Ang istorya sa tag-iya niining maong mga iring mao nga ang ilang inahan maoy lain-lain og mata. Kinit-an ra matud pa nila kadto sa kampo (katubhan or tamnanan og mga tubo or sugarcane), dugay na kaayo ug nipanaw na gani ang ilang inahan kay tiguwang na. Kani silang duruha maoy mga anak, kapin na sa tuig ang panuigon niini nila. Walay mga ngalan kay "memeng" ra matud pay iyang itawag ani nila. Ang usa ka Memeng 1 kay lalaki. Si memeng 2 kay babaye. Nabalaw gayud tawon ko og sunod-sunod ani nilang duruha, dugay kaayo ko nakakuha'g nindot nga photos kanang nag-atubang gyud. Pero may gasa ang magpasensya ug mag-antos. Pakpak!

It turned out, si Memeng 1 kay nakahabal diay sa iring sa akong ig-agaw nga silingan ra pud nila ang balay. Suma pa sa akong ig-agaw nga akong gipakita niining maong mga hulagway, unom matud pa ka buok anak sa ilang iring, namatay ang duruha busa upat na lang ang nahabilin. Ang upat matud pa kay mga artistahin kay dili mauwaw, magpa-picture gayud ug magpakugos! Pakpak!

Hugyaw ang mga mata niining maong mga iring? Kamo diha dear okRYANians unsa may hugyaw ninyo nga pets? Istoryahi kaming mga masig nimo ka okRYAN. Bisag dili pareha niining maong mga iring nga lain-lain og mga mata. Pwede iro, isda, langgam. Istoryahi kami nganong mao kana ang imong paborito nga pet. Mas nindot kun magpa-picture kauban ang imong pet, unya suwati og mubo nga istorya. Ang title niana mao kini: My Favorite Pet. Game? Ug game ka, ipadala kana kanako pinaagi sa Facebook: [email protected] I-private message lang please. Pwede pud sa email: [email protected] .  Ato kanang imantala dinhi sa inyong Banat In matag Domingo nga tanan sugod karong January 5, 2014.  Pwede pud picture sa inyong mga anak, kauban ang mao ninyong pet. Sige na, let's share stories about your favorite pet! Pakpak!

Firecracker Injury

Gihingusgan sa Department of Health ug Philippine National Police ang kampanya batok sa pabuto sa milabay nga Pasko ug sa umaabot nga Bag-ong Tuig. Apan kun ugaling aduna gayuy mga gahi og ulo nga magpabuto ug mabuthan, adunay tambag si DOH undersecretary Eric Tayag sa angayang buhaton niini.

"Kailangan ibabad sa tubig or running water for 10 to 15 minutes. Kung marumi, clean it with soap, cover with dry cloth na hindi yung dumidikit sa sugat, at dalhin sa ospital," nagkanayon si Tayag sa interview ni Howie Severino niadtong Biyernes sa buntag sa programang News To Go sa GMA News TV.

Suma pa niya angayang likayan ang pagpahid og butter, ointment, mayonnaise, o toothpaste sa nabuthan nga parte sa lawas gumikan kay makamugna lamang kini og infection. Gidili usab niya pa ang pag-abli sa nagbutoy nga nana.

"Kahit guhit lang yan bubuksan ng mga duktor titiyakin kung may nabubulok na laman because it takes them time before pumunta sa ospital. Sa bagong taon, maraming mapuputukan but they won't go agad sa ospital kasi madaling araw, they will wait before the sun rises.

"By that time, may nana na yung sugat, there is necrotic tissue, patay na laman. Before you know it tetanus prone na yung nasabugang parte ng katawan," niya pa.

Kun nagsige og dugo ang samad, tapin-an kini aron muhunong ang pagdugo ug magdali pag-adto sa tambalan.

"Kung me naputol na daliri, put it in ice kaagad ang if you can go to hospital na may magandang surgeon maybe baka maikabit nila yan pero sinasabi namin sa inyo no way are you going to get back your fingers."