Kris problemado kung sino ang karapat-dapat na lalaki

MANILA, Philippines - Habang si Cess (Kris Bernal) ay nag-iisa sa resort, magiging masaya naman siya kahit paano dahil kay Luis (Renz Fernandez).  Mahahalata rin ni Luis ang ginagawa nina Waldo (Marco Alcaraz) at Violet (Lian Paz) para sa kanya at pagsasabihan din siya. Kaya mapapaisip si Luis. Habang si Nick (Aljur Abrenica) naman ay hindi pa rin susuko, tatawag siya ulit kay Cess at sa wakas makakausap na niya ang minamahal!

Kaya lang ay hindi pa rin sigurado si Cess at napapansin na siya ni Luis. Kaya mag-uusap-usap din sina Cess, Waldo, at Alicia (Susan Africa). Ipapaalala ulit ni Waldo kay Cess na maling lalaki ang minamahal niya pero mas pakikinggan ng bida ang puso niya. Dahil doon, maiisipan nilang bumalik na sa Manila. 

Abangan ang mga kaganapan sa Prinsesa ng Buhay Ko sa GMA 7.