Three Gifts

Merry Christmas mga Sweet ka Butanding! Tulo na lang ka adlaw Pasko na gyud pero dire sa BisChika magpadayon ang pagpanghatag nako og mga regalo pinaagi sa mga BisChika nga inyong kinaham nga murag ham. Hahahahha! Panukad na kay ania na ang Yur’s gift nga mga BisChika.

Unang Regalo: Niaging semana malampuson kaayo ang ikaduhang tuig sa Banuan Festival Queen 2013 sa Barangay Guadalupe, Cebu City. Gumikan sa mga gipang-agian nato nga mga pagsuway karung tuiga walay nahitabong kumpetisyon pero ang mga mananaug sa Banuan Festival niaging tuig nipasundayag og balik. NaHugyaw ang tanan kay kalit nibundak ang uwan, apan wala kini nahimong babag nga sila magpakita sa ilang talento gikan sa 3rd Place - Sitio Green Village, 2nd Place-Hugpong Kabatan-onan sa Sapangdaku ug ang Champion mao ang Pundok Englisanon. Kini nagpakita sa ka-abunda sa kultura sa Guadalupe. Pero karung tuiga gipadayon ang Search for Banuan Festival Queen kung diin walo ka kandidata ang nagtigi para makaangkon sa korona. Usa ka bonggang presentation number ang ilang giandam para sa mga nisaksi niini ug pagkahuman nag-showdown pa gyud sila. Ikid dire, Ikid didto, emote, mga pahiyom nga abot sa dunggan ug giunsa nila pagdala ang ilang festival queen costume nga ang uban puwerteng bug-ata. Hosted by Yur’s truly, ang mga dalaga sa nagkadaiyang sitio mi-display sa ilang kaanyag ug mapasigarbuhon kaayo sila nga ni representar sa ilang mga lugar. Tiaw mo na, aduna pa’y mga langyaw nga nidayo lang sa Barangay Guadalupe para mosaksi ug ang usa sa mga turista nga gikan sa America nga si Ian akong nahinabi ibabaw sa stage. Ug usa lang iyang gi lenggua sa maong pasundayag: “world-class and beautiful! “Mao nga kining tinuig nga Banuan Festival o Banuan Festival Queen dili kini mamahimong malampuson kundili pa gumikan sa dakong suporta sa ilang mga barangay officials headed by Hon. Michael Gacasan, ang ilang Barangay Captain nga todo suporta. Lakip pud si Hon. Apol Ross Gacasan-Enriquez ang tingog sa mga kababaenhan. Siyempre ang nahimong taytayan nganong nahimong malampuson ang Banuan Festival ug Banuan Festival Queen 2013 mao ang very active kaayo nga Festival Chairman nga si Cliff Racuya. Nindot kaayo ang iyang panlantaw sa among barangay nga bisan nga rank no. 9 siya sa niaging eleksiyon nga dunay 6,783 votes (unsaon gyud?), padayon ang iyang suporta labi na ang pag-promote sa tourism, culture and heritage sa barangay. Mao nga mabuhay ka! Labaw sa tanan mapasalamaton kaming tanan sa atong mahal nga patron ang Virgen sa Guadalupe nga iya kaming gitabangan. Nahuman ang akong gabii sa piyesta sa Guadalupe dili pinaagi sa pag- eat and run sa usa ka balay, kung dili ang pagdagkot og kandila ug mga pag –ampo nga unta mas tagaan pa ko og dakong kusog nga makaya ang mga maabot ang mga giatubang nga Yolanda sa akong kinabuhi.

Mao kini ang mga mananaug sa Banuan Festival Queen 2013 :

2nd Runner Up – Mary Antonnette Martinez – Sitio Singson

1st Runner Up – Irene Bayron  - PYCC Banawa

Festival Queen 2013 – Adrienne Khayla Reso-or – Sitio Green Village

Ikaduhang Regalo: Usa ka tawag ang akong nadawat alang sa usa ka lamian kaayo nga paniudto sa among Station Manager Ms. Ann Marie Tan sa usa ka restaurant kauban ang mga kinakusgan sa GMA Network Inc. Cebu. Naluoy ko sa restaurant tungod kay eat all you can murag sa akoa alkansi na sila kay best in lafang man gyud ko.hahahhahaha! Bitaw, sa tinuod lang, dili lang sa pagkaon pero ang panagtapok nga panagsa ra mahitabo gumikan sa ka busy sa among schedule bililhon na kaayo. Nagkahiusa, update-update sa mga life siguro lovelife? Hehehehehehe. Salamat sa regalo nga paniudto kauban sigon pa ni Ms. Ann ang “Very Hardworking GMA Cebu Team” nga silang Gerome Tigley,Maribel Ludia Devi, Philip Patricio, Amabelle Rusiana, Rachelle Donoso Sindo, Gregorio Rama, Joan Evangelista, Mary Joy Bautista Dagooc, Therese Borromeo, Bet Bustillo, Dodong Grafe ug Ms. Cielo Abellana.

Ikatulong Regalo : Naghunahuna ba mo unsay iregalo karung Pasko? Mga Kapuso, Tibay ng Pusong Pilipino shirts kay available na kini sa GMA Cebu Complex,Nivel Hills, Cebu City. Pwede kamo manawag para maandam ang inyong paliton nga t-shirts. Tawag lang sa ( 032 ) 232-0352 pangitaa lang si Gerome Tigley. Limited stocks lang kini mao nga buy na! Now na! Proceeds will go to GMA Kapuso Foundation para sa nagpadayon natong Operation Bayanihan sa mga biktima ni Yolanda.