Camille handa na uling ikasal

Taong 2011 nang maging biyuda ang young actress na si Camille Prats nang sumakabilang buhay ang husband na si Anthony Linsangan sanhi ng nasopharyngeal cancer. Sumakabilang buhay ang mister ni Camille nung Sept. 25, 2011 matapos itong ma-diagnose ng 4th stage of nasopharyngeal cancer in September 2010. Sina Camille at Anthony ay may isang anak, si Nathaniel Caesar, turning six years old next month.

More than a year later, muling nakatagpo si Camille ng bagong mamahalin sa katauhan ni John Yambao, another showbiz guy at kamakailan lamang ay nagdiwang ang dalawa ng kanilang first anniversary bilang magkasintahan.

Bukas si Camille sa posibilidad na muling mauwi sa altar ang kanilang relasyon ni John. Of course, ang nakatatanda niyang kapatid na si John Prats and their family are all supportive sa kanilang pag-iibigan ni John Yambao.

Maricar susubukan na ang artificial method para magkaanak

Pitong taon ang ipinaghintay ng mag-asawang Dawn Zulueta at mister niyang kongresista na si Rep. Anton Lagdameo bago sila nagkaroon ng anak. Masaya ngayon ang mag-asawa dahil may dalawa na silang supling.

Pitong taon din ang ipinaghintay ni Vicky Morales at ng kanyang mister bago rin sila nagkaroon ng anak na kambal at sa aming pagkakaalam ay sumailalim sila ng clinical procedure sa Singapore.

Clinical procedure rin ang inaasahan ng mag-asawang Maricar de Mesa at ng kanyang cager husband na si Don Allado na kanila nang sinimulan. Ginawa na rin ito noon ng mag-asawang Sen. Ralph Recto at Gov. Vilma Santos kaya sila nagkaroon ng anak na si Christian. Napaka-moderno na talaga ng panahon, kung may problema ang pagkakaroon ng anak ng isang couple, may solusyon na rito sa pamamagitan ng in vitro fertilization (IVF).

Umaasa ang mag-asawang Maricar at Don na matutupad na ang pagkakaroon ng anak sa taong 2014. After all, mahigit pitong taon na rin silang mag-asawa at kulang na lamang sa kanila ang pagkakaroon ng sariling anak.