Mga gagmay sa AHA ug Born Impact!

CEBU, Philippines - Atangi karong buntag ang back-to-back episodes sa AHA!  ug Born Impact sa GMA-7 nga magpakita sa hugyaw nga kalibutan sa mga gagmay’ng butang ug mga insekto.

Sa AHA ipakita ni Boobay ang Christmas gift ideas sama sa gamay nga playhouse nga siguradong makahugyaw sa mga bata man o hamtong na. Ubanan pud ni Drew Arrellano si Jillian Ward pagsuroy sa mga dapit nga nag-uwan og snow dinhi sa Pilipinas. Mubida pud ang labing bag-ong toy robots ug ang ilang mga sapot nga gipasidlak sa LED.

 Sa Born Impact ipalili ang gamay apan makapanimbawot nga kalibutan sa forest macro world. Tan-awa unsaon sa mga anay pagmugna og tunnel gamit ang lapok aron magsilbing panagang sa ilang teritoryo.

 Ang wala masayri, ang macro world dako kaayo og matabang sa kalasangan sanglit sila maoy nagsilbi nga decomposers ug main food source sa mas dagkong mananap nga kun mawala man gani sila, dili mahulagway ang grabeng trahedya nga mutumaw. Dako pud kaayo sila og papel sa kinaiyahan.

Ang AHA magsugod 9am samtang ang Born Impact 9:45am.

Ayaw ko ninyo'g iapil

Mikisikisi si KC Concepcion sa mga balita nga naglambigit kaniya ngadto kang Phil Younghusband kinsa ex-boyfriend ni Angel Locsin.

"Honestly, ang tagal ko na ring naririnig 'yan," nagkanayon siya ngadto sa ABS-CBN News. "Ayoko na nga mag-comment about it, kasi nakakapagod na rin 'yung tsismis na wala namang pinanggagalingan."

Padayon niya, "Ako, unang-una, wala akong... Hindi ko siya kilala. I mean, once ko lang siya nakausap siguro, which is 'yung interview pa with 'yung girlfriend niya at the time."

Ang buot pasabot ni KC mao ang interview ni Angel sa The Buzz, diin host siya kaniadto. Niadtong tungora mikuyog si Phil kang Angel.

"Ang hindi ko rin alam kung part 'to ng promo ng magiging teleserye ng ex-girlfriend niya," nagkanayon si KC.  "Pero sana naman, huwag na nila ako idawit or isama sa gano'n kasi may mga iba namang nangyayari sa buhay ko."

"Parang hindi ko na kailangang bigyan pansin 'yung ibang bagay na... Napaka-busy ko rin. Ang dami kong ginagawa, bakit ako tsinitsismis?"

Nasayran nga hapit na magsugod ang teleserye ni Angel sa ABS-CBN, ang The Legal Wife kauban sila si Jericho Rosales ug Maja Salvador.

Chance to love

Nagmalampuson dili pa lang dugay ang gipahigayon nga Kerygma Conference dinhi sa Sugbo  nga gihimo diha sa University of San Jose Recoletos  kung diin dul-an sa 4,000 ka mga tawo naghugpong gikan sa nagkalain-laing dapit sa Kabisay-an aron maminaw sa mga mabulawanong pulong gikan sa dinapit nga speakers nga gipangulohan ni Bo Sanchez.

Nahugyaw ang nanambong gumikan kay tipik sa kalihukan mao ang praise and worship concert kung diin usa sa nidalit og awit ang sikat nga music band nga Kerygma 5.

Nisaysay si Bo ngadto sa mga sakop sa media sa Sugbo nga dako kaayo og tabang ang maong kalihukan  gumikan kay nakatigom sila og mga donasyon aron ihinabang ngadto sa typhoon victims.

Nasayran nga dunay mga survivors sa maong kalamidad ang nitambong sa Kerygma Conference gumikan kay ilang ipakita nga nagpabilin nga lig-on ang pagtuo nila sa Kahitas-an bisan pa man sa mga pagsulay nga ilang nahiaguman.

Gibutyag ni Bo nga gumikan sa trahedya nga niigo sa atong dapit,  adunay mga tawo nga nakaamgo nga kinahanglan gyud nga ipaambit sa ilang isigkatawo ang nadawat nila nga mga grasya ug dinhi naumol ang tinud-anay nga gugma.

"Before this tragedy, (typhoon) people were only thinking of themselves. After seeing the real pictures of tragedy, they realized that they are blessed and start reaching out to others," suma pa ni Bo.

Nasayran nga nasakit si Bo dihang giigo og higanteng bagyo ang Kabisay-an apan wala gyud siya nihunong sa panawagan  paghatag og hinabang  ug dali siya nga nagpadala og mga tawo sa lugar nga naapektohan sa bagyo.

Nagbaha gyud ang pagsulay nga niigo sa nasud, sa wala pa  niabot ang bagyong Yolanda, una na nga giigo sa kusog nga linog ang lalawigan sa Bohol.

"These tragedies (linog ug bagyo) come to give people the chance to love," dugang pa ni Bo.

Matud pa ni Bo nga  kung makasugat gani og kalamidad, kinahanglan nga lig-on gyud ang kaugalingon ug dili angayan nga mo-give up.

Nagkanayon siya nga ang tinud-anay nga trahedya mao ang oras nga ni-give up ka sa imong suliran.

"Nagsunod-sunod yung mga trahedya, pero hindi ibig sabihin na mag-surrender ka, dapat  tibayan mo ang loob mo, dahil may darating din na solusyon," nagkanayon si Bo.

Saysay pa ni Bo nga niining kalibutana kinahanglan gyud nga malipay, mga pahiyom ang kanunay nga ipatigbabaw gumikan kay matag suliran atong masugatan, anaa ang Kahitas-an nga mosulbad niini basta ipabilin lang gyud ang lig-on nga pagsalig kaniya. Niining kalibutana, dili usab malikayan nga dunay mga tawo ang dili nimo masabtan, apan dili lang kini angayan nga hatagan og gibug-aton gumikan kay makahatag lang kini kanimo og depresyon , labing maayo nga i-focus ang atensyon sa pagtinabangay ilabi na nga giigo kita og kalamidad.

"There will always be people who will not like you, forgive them, pray for them and love them from a distance," matud pa ni Bo.

Labing hatagan og pagtagad karon ang paghigugmaay  ug dili na lang usik-usikan ang oras sa mga tawo nga dili ganahan kanimo.

"Stop spending time with people who doesn't like you. Go with people who will celebrate you," matud pa niya.

Nidugang pa si Bo sa pagsaysay og "My 'Secret To Inner Peace' is having 'The Reason' for everything I do. Caring for people is the reason for my daily life. It's the reason for everything that I do."

Binata ra kaayo na

Gikataw-an ni Zanjoe Marudo ang chika nga "cool- off" sila karon ni Bea Alonzo. Suma pa ni Zanjoe, binata kaayo nang sitwasyona, pang high school ra na.

Emotional Tom

Nahugyaw si Tom Rodriguez sa dihang nakit-an niya nga lakip sa audience ang iyang mga ginikanan atol sa ilang concert didto sa Amerika. Bag-ohay lamang nahibalik sa nasud si Tom ug ang ubang cast sa My Husband's Lover, sanglit may series of concerts sila didto sa USA.

Dancing ang gusto

Subling mipirma og three-year exclusive contract sa TV5 si Jasmine Curtis Smith. Giklaro niya nga dili matud pa lakip sa iyang kontrata ang singing o paghimo og album. Dili matud pa niya linya ang pagkanta, mas ganahan siya og sayaw.

Sweet pero dili uyab

Giangkon ni Vina Morales nga "sweet" sa usa’g-usa sila si Piolo Pascual ug Shaina Magdayao. Apan giklaro niya nga dili pa uyab ang duruha, sanglit dili pa gyud matud pa andam si Shaina nga musulod og bag-ong relasyon. Katapusang uyab ni Shaina si John Lloyd Cruz.

Dili bankrupt uy

Gihimakak ni Willie Revillame ang isyu nga matud pa sa casino siya magyampungad kanunay ug dagko siya og pildi, hinungdan nga bangkaruta na siya ug namaligya na og property ilabi na ang tua sa Tagaytay. Matud ni Willie tinuod nga muadto siya sa casino aron maglingawlingaw lamang. Dili tinuod nga namaligya siya og property sanglit may gipatukod man gani siyang hotel sa Tagaytay.

Support na lang

Nanawagan si Julia Montes ngadto sa mga fans nila ni Enrique Gil nga hunungon na ang pagsige og saway kang Julia Barretto. Si Barretto man gud ug si Gil maoy magpares sa umaabot nga pantaserye sa ABS-CBN, "Mira Bella." Kanhi loveteam si Montes ug Gil sa "Muling Buksan Ang Puso."

Sam action star kaayo

Nahugyaw ang tibuok production sa Kimmy Dora: Ang Kiyemeng Prequel kang Sam Milby, kinsa leading man ni Eugene Domingo gumikan kay maayo matud pa kaayo ang nahauna sa iyang mga action scenes sa nahisgutang Metro Manila Film Festival movie. Dungan niini gipadayag ni Sam nga ganahan siya muhimo og action films sa umaabot.

Dili na ako uy

Gihimakak sa kanhi sexy star nga si Patricia Javier ang chika nga siya ang babaye sa mikatap nga sex video scandal pagkakaron. Suma pa ni Patricia, kinsa nagbakasyon sa Pilipinas, wala siya'y sex video ug hayan susama lamang niya og dagway ang babaye nga gipasabot.

Holding hands diay

Mismong si Ruffa Gutierrez ang mibuking sa espesyal nga relasyon karon sa mga bida sa Villa Quintana sa GMA-7 nga si Elmo Magalona ug Janine Gutierrez. Pag-umangkon ni Ruffa si Janine sanglit half-brother niya si Ramon Christopher nga amahan sa dalaga. Suma pa ni Ruffa miabot matud ang duruha sa ilang family affair nga nagholding hands. Dugang pa niya dili kini promo sa series ni Elmo ug Janine, kundili gisulti lamang niya ang unsay iyang nakita ug maoy matuod.

Dapig kang Anne

Hangtud karon nagdumili si Derek Ramsay pagtuo nga nakaako pagpanagpa si Anne Curtis ngadto sa tulo ka mga tawo niadtong November 23. Matud pa niya kaila kaayo siya kang Anne ug dili siya mutuo nga nabuhat kini sa nahisgutan hangtud nga kini maoy musulti kaniya unsa gyuy tinuod nga nahitabo.