Pictorial ni Lian Paz sa Playboy nabitin pa kung ilalabas!

PIK: Tumataas ang rating ng Villa Quintana dahil sa gumagandang takbo ng kuwento at ito ang pinakamataas na rating sa afternoon drama series ng GMA 7.

Ang pinakamagandang nagawa raw ni Direk Gina Alajar sa mga bida ay nahasa raw nang husto sa akting sina Elmo Magalona at Janine Gutierrez.

PAK: Worried si Lian Paz sa sexy pictorial nito sa Playboy magazine dahil hindi pa raw ito nilalabas.           

Dapat ay para ito sa November at December issue ng naturang men’s magazine pero hanggang ngayon ay hindi pa rin lumalabas.

Ang inaalala ng dating EB Babes dancer, baka raw gamitin ito sa iba na wala siyang kamalay-malay.

Medyo mapangahas ang pictorial niyang iyon na sa Playboy mag lamang niya nagawa.

BOOM: Ayaw magpa-pressure ng magkasintahang Dingdong Dantes at Marian Rivera sa mga nagtatanong tungkol sa binabalak nilang kasal.

Napapag-usapan na kasi ang kasalan nina Karylle at Yael Yuzon, kaya sila ang susunod na tinatanong kung kailan naman sila.

Ayaw pa ring magsalita ni Ma­rian pero hindi naman niya itatago kung sakaling na-finalize na ang lahat.

Pero mukhang sa susunod na taon na ang announcement dahil hindi naman niya itinatangging napapag-usapan na nila ito ni Dingdong.