Kinsa Siya?

 Dako nga pahiyom mga SweetKabutanding!!! Pila nalang adlaw Pasko na ug bisan paman sa atong mga giatubang nga pagsuway karun dili na gyud kini mapugngan. Nakaingon ko nagkaduol na gyud kini kay si Jose Marie Chan nagguest sa The Ryzza Mae Show ug iyang gikanta ang paborito natong tanan ang " Christmas in our hearts " ug ang " My idea of a Perfect Christmas. " Maayo nalang wala ko gikan nagLive sa evacuation center para sa programa nga BuenaManoBalita kay sigurado gyud ko nga naka emote ko! Mao nga sugaton nato ang Pasko nga puno sa gugma!

Ang among grupo sa Entertainment TV- Cebu kay na Yolanda pud. Gani, daghan kaayo nga mga Kapuso Mall Show nga cancelled ug tungod niini naguol mi kay ang kinabuhi sa usa ka talent No Show - No Pay murag ang iyang peg NO ID NO Entry. Pero bisan paman niini wala kini nakapugong para saulogon ang birthday sa nag-inusarang inahan ni Kerbir (nga nawala na intawon) Akirber (feeling nako mawala na pud ni kay pabaya nga inahan), wala'y lain si Glenn Boiser a.k.a Mrs. Gleven Silva! Sa tinuod lang usa kini ka selebrasyon nga giusa namong tanan! Una ang akong birthday, ikaduha ang birthday ni Glenn, ikatulo ang birthday ni Russelle Gako(wala man gyud mi nagkatapok) kay tungod kay gikan paman siya sa Tacloban kay gidala siya sa iyang trabaho isip usa ka Nurse - 2 of Health Emergency Mgt. Section of DOH murag selebrasyon nga iya kining nakaya, si Joseph Lyndon Torreon nga finally naa na gyud siya'y Raine of his lovelife or else kahibalo na siya asa ang iyang ending.. Tubag Gleven? Hahahahah! Ug labaw sa tanan ang host sa among gipahigayon nga panihapon ug iya kaming gipasulod sa iyang limpyo, sinaw kaayo og salog nga pwede ka manamin sa kasinaw ug dili ka maghinay ma slide ka, ang nahimong finalist sa Eat Bulaga's Pamilyang Pinoy Henyo nga si Joseph Ann Basco. Kauban si Armie Perez usa ka lamian kaayo nga panihapon ang among gisaw-an. Bisan galain ang panahon nangatak mi didto sa ilaha unya pag-abot sa walay pagduhaduha paghuman sa pangadye lafang gyud dayon. Bisan naa sa atubangan sa pagkaon ang among mga istorya bisag asa nalang maabot. Ma current events, politics, kasinatian sa mga nahitabong bagyo, sa nahimong contestants sa Pinoy Henyo, entertainment ug lovelife. Wala nami kabantay nga ang humba nahurot na! hahahahhaah! Na touched ko ni Joseph Ann kay bisan wala pami talent fee nigahin intawon siya og gift para nako ug naa pud mi gift ni Gleven nga nakaHugyaw niya. Gatuo man gud siya nga large size lang gihapon siya, amo siya gipamata sa kamatuoran nga XL na ang size sa iyang T-Shirt. Nindot kaayo hunahunaon nga bisan paman nga medyo tagilid ang among mga bulsa  pero ang among panagtapok, panaghiusa nagpamatuod nga kami nagkahiusa. Ingon ko nila na May Bukas Pa!

Kinsa siya???? ang pagbabalik pagkahuman sa Yolanda!

Kay nahuman na ang Yolanda, usa ka Yolanda Kinsa Siya ang akong nasagap …unsa kini? Panukad na! Usa ka miyembro sa usa ka dance group ang nakit-an sa atong Kinsa Siya Insider nga nilugwa sa usa ka taping dire sa Sugbo. Na shock ang atong Kinsa Siya Insider kinsa ang gibisita sa maong dancer o gihuwat sa set sa usa ka shooting. Pwes, nasayran nga ang usa sa mga assistant sa director diay ang iyang gipaabot. Pero dili ka ma Yolanda SHOCK?? Ang miyembro sa usa ka dance group babaye ug ang iyang gibisita sa set kay usa ka That's my Tomboy! Dili man lain kung unsa man siya, ang importante nakahigugmaay mong duha! Si female dancer kay miyembro sa all girl group nga ang usa sa mga sikat nila nga kanta kay nay pagkaon nga motaas ug muobos!!!!! Kinsa siya? (BANAT NEWS)