Freddie Aguilar sumumpang hindi sisiputin ang kasong child abuse; When the love… pinipilahan

SEEN: Ang giant billboards ni Karylle sa Southeast Asian countries.

Celebrity endorser si Karylle ng isang multinatio­nal corporation na manufacturer ng sports clothing and accessories.

SCENE: Nag-shooting si Dingdong Dantes noong Huwebes ng mga eksena niya sa Kimmy Dora: Ang Kiyemeng Prequel. May special participation si Dingdong sa official entry ni Eugene Domingo sa Metro Manila Film Festival 2013.

SEEN: Makulay ang outfit ni Christian Bautista sa Tokyo, Japan.

Si Christian ang representative ng Pilipinas sa ASEAN Japan Music Festival na ginanap noong November 28 sa NHK Hall, Shibuya, Japan.

SCENE: Balita pa lang na malapit nang mag-umpisa ang negotiation para sa renewal ng exclusive contract ni Korina Sanchez sa ABS-CBN. Matatapos sa 2014 ang kontrata niya sa ABS-CBN.

SEEN: Ang pila sa mga sinehan na pinagtatanghalan ng When the Love is Gone, ang 32nd anniversary offering ng Viva Films.

SCENE: Dinalaw kahapon ni Miss World Megan Young ang mga bata na nakaligtas sa typhoon Yolanda sa Tanauan, Leyte.

SEEN: Nagsalita nang tapos si Freddie Aguilar na hindi sisiputin ang pagdinig ng kasong child abuse na isinampa laban sa kanya ng isang abogado na hindi niya kilala.

SCENE: Hindi namalayan ang pagtatapos kahapon ng Pyra, ang biggest television break ni Thea Tolentino, ang female winner ng Protege, ang reality based artista search ng GMA 7.