Dingdong at Marian bagong endorser ng Ukay-Ukay!

MANILA, Philippines - Masayang dumalo sa opening ng Noel Bazaar ang Kapuso royal couple na sina Dingdong Dantes at Marian Rivera bilang mga bagong endorser ng Celebrity Ukay-Ukay ng GMA Kapuso Foundation (GMAKF) noong Nov. 22 sa World Trade Center sa Pasay City.

Bahagi ng Noel Bazaar ang Celebrity Ukay-Ukay mula noong 2011.

Kasama nina Dingdong at Marian sina GMAKF executive Mel C. Tiangco; presidente ng Cut Unlimited na si Mayose Bautista; presidente ng Manila Exposition Comex na si Rommel Leuterio; president ng Foreign Post na si Eufemia Villano, Jose Luis Yulo, Chamber of Commerce of the Philip­pines president Nievelena Rosete, Bantayog ng mga Bayani Foundation exe­cutive director; at Tessa Prieto-Valdes sa pag-welcome sa guests at fans na excited mag-Christmas shopping.

Naroon din si Maricris Garcia para maghandog ng ilang awitin at nagsilbi namang host si Bettina Carlos.

 â€œWe are proud to have Ding­dong and Marian as the new advocates of the Celebrity Ukay-Ukay. We thank them for their gene­rosity and support in our desire to further the va­rious goals of the Foundation,” saad ni Tiangco.

Buo ang suporta ng Kapuso primetime King at Queen sa celebrity ba­zaar na naglalayong ma­kalikom ng funds para sa mga proyekto ng Foundation tulad ng Kapuso School Development Project, Unang Hakbang sa Kinabukasan, at Give a Gift: Alay sa Batang Pinoy.

Bukod sa kanila, nag-donate rin ng kani-kanilang mga pre-loved items ang ibang Kapuso stars na sina Regine Velasquez, Heart Evangelista, Jennylyn Mercado, Glaiza de Castro, Jolina Magdangal, Jaya, Eugene Domingo, Camille Prats, LJ Reyes, Andrea Torres, Bettina Carlos, Charice Solomon, Joyce Ching, Chris Tiu, Gabby Eigenmann, Carlo Concepcion, Butch Francisco, Lolit Solis, Nomer Limatog, Miggy Jimenez, at Manny Paquiao.

Nagbigay din ng suporta ang mga News and Public Affairs personalities sa pangunguna ni Tiangco kasama sina Winnie Monsod, Nelson Canlas, Pia Guanio and Family, Lala Roque, Ivan Mayrina, Mariz Umali, Raffy Tima, Sandra Aguinaldo, Kara David, Tina Panganiban Perez, Sherry Ann Torres, JP Soriano, Pia Arcangel, Connie Sison, Suzi Abrera, Rhea Santos, Lyn Ching, Olen Lim, Monica Verallo, at Atty. Gabby Concepcion.

Nagbigay din ng ilang items si Sen. Chiz Escudero ngayong taon.  

Bukas ang Dingdong and Marian’s Celebrity Bazaar hanggang Linggo, Dec. 1. Ang ibang piling items ay naka-auction sa www.ebay.ph/ukayukay.