Call Center Girl: Kinahanglang tan-awon

CEBU, Philippines - Hello, mga yadzz! Handa na ba kayo? Naunsa man intawon to’s Yolanda, nga gisapawan man si Janet Napoles sa kabangis? Magtan-aw gani ko atong Janet Napoles sa mga peryodiko ug sa TV, magpanglingo man ko ug usahay, fall a tear gyod. Sus! Pag-abot ni Yolanda, wa na, napongli [nalipong god] na gyod ko. Pagka bangis babayhana.

Way sama ka bangis. Maayo gani, kay bentana ra’s kwarto nako ug atop sa akong pinobreng newsstand [wa na man pod tingali dinatong newsstand ron, kay dili na man mahalin ang mga magazine], mao ray na-damage. Pero bisan pa uy. Gipa-estimate nako sa akong panday kun  pilay magasto pagpaayo, P4000 ra kono. Pastilan, pagtrabaho, kay miabot ma’g P6000. Nalipong intawon ko’g pangita’g igasto. Kay kun dili gastohan, mosalibo ang uwan sa bentana sa akong kwarto. Maayo la’g wa ko’y kaubang lalaki kun matulog [ilosyon uy]. Unya? Ang akong newsstand? Mangabasa ang mga newspapers, dili na mauli ang mga bahaw? Akong bayran. Pastilan, kini ra ba’s Dick Gordon Batucan ug Faith Tabernacle , mo-deduct raba gyod sa dili ikauli. Maayo na lang, kay as usual, duna ta’y mga benefactress ug benefactors like, Josie S. Pereyra, Edgar & Chona Escalante, Venus Marie Espinosa  Labra ug Marie Jinky Lague, nga hangtod ron, misalig gihapon nato, despite our age. So, kinahanglang tan-awon ang movie nilang Edgar ug Chona sa Star Cinema titled, Call Center Girl sa December ug Metro Manila Film Festival nga entry sa Star Cinema, starring Daniel Padilla and Kathryn Bernardo ug ang Boy, Girl, Bakla, Tomboy nilang Vice Ganda ug Maricel Soriano.