Ted hindi maganda ang ginagawang paninisi

After Korina Sanchez, si Ted Failon naman ang panay ang puna sa PAGASA (na katulad niya ay nahuli rin ni Yolanda ng walang kahan­daan). Okay na ang pumuna sa mga gawaing hindi maganda pero huwag itong gawin sa nakakatawang pamamaraan, ’yung parang ipinahihiya na niya ang kawanihan.

Oo nga’t may kasalanan din ang PAG­ASA pero tayo namang lahat ay binigla rin ng pangyayari. It was our first time na makaranas tayo ng isang mala-tsunaming bagyo. It was a hard lesson to learn. Mag-intindihaan na lang tayo. Magtulungan sa halip na magpintasan at magsiraan.

Willie kumikita sa Yolanda

Si Willie Revillame ay talagang negosyante. Biruin n’yo, kumikita ang eroplano niya sa pagdadala ng relief goods sa mga lugar na sinalanta ni Yolanda?

Ngayon ay nag-iisip daw ito na magpagawa o bumili naman ng mga barko na magagamit din sa ganitong mga kalamidad. Bakit nga naman hindi, eh may kakayahan naman siya, may pera?

Baka nga naman kung may mga ganitong sasakyan na magagamit tayo sa mga panahong emergency ay mas mapadali ang pagdadala natin ng tulong sa mga biktma.