Alice at Derek nagkaayos na sa P10-m, Martin nahawa ng sakit ni Mercedes!

MANILA, Philippines - Patuloy ang pagiging bold, intriguing, at groundbreaking ng dalawang Thursday seryes ng TV5, ang For Love or Money at Positive, habang painit nang painit ang mga eksenang tiyak na gugulat sa mga manonood.

Kaabang-abang ang mapusok na mga eksena nina Derek Ramsay at Alice Dixson ngayong Huwebes sa For Love or Money. Sa ‘di inaasahang pangyayari, mauuwi sa lovemaking ang 10-million peso deal ni Edward (Derek Ramsay) kay Kristine (Alice Dixson) – isang bagay na ipinagbabawal ng kanilang kontrata. Dahil dito, mare-realize ni Kristine na hindi si Edward si Ramil (ang kanyang former fiancé na namatay bago sila makasal) at magdedesisyong pauwiin na si Edward sa kanyang asawang si Roselle. Tatanungin ni Roselle (Ritz Azul) kung may nangyari ba sa pagitan ni Edward at ni Kristine, pero ide-deny ito ni Edward. Ito na ba ang simula ng kanyang pagtataksil sa kanyang asawa?

Samantala, ipapakilala ang karakter ni Chiqui na gagampanan ni Mercedes Cabral sa HIV-themed series na Positive ngayong Huwebes.

Mainit ang mga eksena sa pagitan ni Martin del Rosario  at ni Mercedes para sa episode na ito. Nakilala ni Carlo si Chiqui sa isang bar noong panahong siya’y binata pa at pabaya sa kanyang kalusugan. Naging parokyano ni Chiqui si Carlo at madalas silang nagkikita para mag-sex. Nang maramdaman ni Carlo na sineser­yoso na siya ni Chiqui, unti-unti na lamang nawala ang binata sa buhay ni Chiqui at tuluyan nang hindi nagpakita.

Ngayong positibo si Carlo sa HIV at AIDS, hahanapin niya si Chiqui upang malaman kung ito ba ang nakahawa sa kanya. Sa kanilang muling pag­haharap matapos ang apat na taon, sasabihin ni Carlo na may AIDS siya, at kukumbinsihin si Chiqui na magpa-test upang malaman kung sa kanya niya ba nakuha ito. Isang galit na galit na Chiqui ang makakaharap ni Carlo na papayag lamang magpa-HIV test sa malaking halaga.

Samantala, mas tumitindi ang pagdududa ni Janis (Helga Krapf) sa kanyang asawa. Susundan niya si Carlo at mahuhuli niya itong kasama si Anne (Bianca Manalo).

Malalaman ba ni Carlo ang HIV status ni Chiqui? Saan niya kukuhain ang perang ipambabayad kay Chiqui? Siya nga ba ang nakahawa kay Carlo?

Tutukan lahat ng ‘yan sa For Love or Money ngayong Huwebes, 8:00 p.m. na susundan naman ng Positive, 9:00 p.m. sa TV5!