Deretso vin gi-dengue

CEBU, Philippines -  Nalandig  sa St. Luke's Medical Center si Vin Abrenica niadtong Huwebes sa gabii gumikan sa dengue. Wala makatambong si Vin sa concert sa iyang maguwang nga si Aljur Abrenica  gumikan sa iyang kondisyon.

Concert wala madayon

Wala madayon ang gikatakdang konsyerto sa The Matchbox 20 didto sa Mall of Asia Arena sa miaging gabii. Suma pa nga maglisod gyud sila og dayon sa konsyerto gumikan sa presensya sa Bagyong Yolanda.

Ariella nabalaka

Nabalaka pag-ayo ang pambato  sa Pilipinas sa Miss Universe 2013 nga si  Ariella Arida kalabot sa pagsulod sa Bagyong Yolanda dinhi sa nasud. Nanawagan si Ariella nga mag-ampo nga wala'y maangol o makalas sa kalamidad.

Cristine nayayay

Ganahan si Cristine nga makahatag og dakong kontribusyon sa pag-promote sa pelikula niya nga When The Love Is Gone busa bisan naglain ang iyang lawas, nitambong gyud siya sa presscon sa maong pelikula sa miaging adlaw. Suma pa ni Cristine nga duna siya'y acid reflux.

Angel naglikay ni Phil

 Wala na'y plano si Angel Locsin nga makigkita og balik sa iyang kanhi uyab nga si Phil Younghusband. Kahinumduman nga ganahan si Phil nga makig-istorya ni Angel. Giklaro hinuon sa aktres nga magpabilin gihapon ang ilang panaghigalaay.

Un-love you na lang

Mga Yadz! It's Saturday and it's also November 9 na. Pila na lang ka adlaw, pasko na gyod. Handa na ba kayo, para sa pinaskohan ko? Remember. As usual, puwede ra gyod kong modawat og cash donations para sa Kriss Relatado Foundation, usa na ka, NGO na bisa'g ang inyo dihang ma milyones nga pork barrel, welcome with open legs and arms. Thank you kaayo daan.

Unya kay ang promo diva, mohatag man jud  og cash donations, and also Edgar and Chona Escalante, aron modakodako rong tuig ang ilang i-donate sa akong NGO, hisgotan jud nako ang movies nga ilang i-promote. Ang naka porke lang, kay dili gyod kono malakip sa MMFF ang movie version sa Be Careful With My Heart. Unya, hangtod karon, hasta gani tingali si Sanden Anadia, wa pa makasabot sa meaning sa OJO nga usa sa gilista sa sexytary sa promo diva nga si Mariles Peterya Cabanong. Laing nalista mao ang Pagpag starring Daniel Padilla and Kathryn Bernardo. Mora'g sure pod ko, nga ilisan pod ang title ani, ambot unsa kaha. So ang maayo tingali, kining Un-Love You na lang maoy atong atangan, ang Piolo Pascual -- Toni Gonzaga starrer. Mao gyod ni unang movie nila sukad atong commercial nilang mi syagit si Toni Gonzaga, "I Love You, Piolo." So, kun ilisan man gani ang title ani, ambot unsa kaha. Sunda lang ninyo ang update niini gikan ni Sanden Anadia.