Career ni Danita wala pa ring nararating
Sana naman magkaroon ng magandang resulta sa career ni Danita Paner ang gagawin niyang pagpapa-sexy. Pumayag itong maging cover ng isang men’s mag at marami ang magtataka kung bakit ngayon lang ito ginawa ng isa sa dating prinÂsesa ng TV5 na ngayon ay binago ang kanyang imahe para umandar ang kanyang karera na ayon sa kanyang ina ay natengga ng napakatagal na panahon.
Sana sa pamamahala ng Viva ay may marating na ang career niya ngayon.
Enchong nakauna na kay Jessy
Nauna na pala si Enchong Dee kay Jessy Mendiola. Habang nagpapasiklaban pa ng panliligaw sina Jake Cuenca at Sam Milby kay Maria Mercedes eto si Enchong at nakatapos na pala ng isang pelikula kasama ang babaeng pinag-uunahang ligawan ng mga artista at maging ng mga basketbolista ngayon.
Kung niligawan ni Enchong si Jessy baka naunahan pa niya ang mga manliligaw nito, pero friends lang daw sila ni Jessy, kaya libre pa itong maligawan hanggang ngayon.
Janine ayaw pumatol sa fans
Tama lang na hindi pumatol sa intriga si Janine Gutierrez.
Tutal nagsisimula pa lamang siya at kailangang walang makaaway para walang makahadlang sa kanyang inaasahang tagumpay bilang artista. Kunsabagay wala namang away sa katawan itong anak nina Lotlot at Monching at apo nina Pilita Corrales at Nora Aunor. Kaya kayong maka-Elmo (Magalona) at Julie Ann (San Jose), tantanan n’yo siya, noh?!
- Latest
