Pops nami-miss nang magkaroon ng sariling show

Concert Queen Pops Fernandez is not only busy sa kanyang singing career kundi mas busy na siya ngayon sa kanyang pagiging concert and show producer. Lingid sa kaalaman ng marami, matagal nang ginagawa ni Pops ang pagiging behind the scene sa maraming successful shows. Bihasa na ang ex-wife ni Martin Nievera sa negotiations, budgeting, and production work. She’s also into corporate shows. Bukod sa mga local show, meron din siyang mga show na dinadala sa ibang bansa. There are even times na kinukuha niya ang serbisyo ng kanyang dating mister na si Martin.

Over lunch sa Toki Japanese Restaurant sa Bonifacio Global City sa Taguig City last Tuesday, together with eldest son, Robin, naibalita sa amin ni Pops na may binubuo siyang Valentine concert pero hindi siya ang headliner kundi ang Comedy Concert Queen na si AiAi delas Alas (as co-producer) kasama si Aiza Seguerra with a popular male star as their special guest. 

Pinagkakaabalahan din ni Pops ang reunion show ng Penthouse Live! which will be staged sometime next year. Isa siya sa mga producer ng Foursome nila nina Martin, Ogie Alcasid, at Regine Velasquez na ginanap sa SM Mall of Asia Arena na nagkaroon pa ng repeat concert. Pati na rin ang successful show nina John “Sweet” Lapus at BB Gandanghari, ang The Beauty and the Sweet. Pops took over her mom’s DSL Productions. She’s also into design and production ng Pipay Fashion Accessories. Pipay ang palayaw kay Pops ng malalapit niyang kaibigan.

Samantala, the Concert Queen is longing na sana’y magkaroon siya muli ng hosting job, be it a musical variety show o straight talk show.

“I miss hosting,” pag-amin niya.

Mikael makikipagkita na kay Megan sa London!

Marami ang humanga sa actor-segment host na si Mikael Daez dahil hindi ito pumapel nung kasagsagan ng Miss World 2013 pageant and eventually sa pagkakapanalo ng kanyang rumored girlfriend na si Megan Young ng titulo. Kahit nung dumalaw kamakailan lamang ng Pilipinas si Megan ay hindi rin umeksena si Mikael. After all, mabilis naman ang isang taong reign ng kanyang girlfriend bilang Miss World.

Come Nov. 4 ay bibiyahe ang Philippine flag carrier, ang Philippine Airlines, sa London, England at kasama si Mikael sa naimbitahang celebrities sa maiden flight ng PAL to UK. For sure, magkakaroon siya ng chance na dalawin doon si Megan, that is kung nasa London nga ang Miss World 2013 at wala sa ibang lugar.

Mikael is grateful sa magandang takbo ng kanyang career ngayon sa bakuran ng GMA, bukod sa pagiging segment host ng Unang Hirit at Saksi, kasama rin siya sa bagong teleserye ng Kapuso Network, ang Adarna na tinatampukan nina Kylie Padilla, Geoff Eigenmann, at Benjamin Alves.

Kung maaalagaan lamang ng husto ng GMA si Mikael, he could be another potential lead actor.